ନୂଆଦିଲ୍ଲୀ : ନିର୍ବାଚନ ପୂର୍ବରୁ ଦଳବଦଳ ରାଜନୀତି ସବୁସମୟରେ ଦେଖିବାକୁ ମିଳିଥାଏ। ଗୁଜରାଟର ଓବିସି ନେତା ତଥା କଂଗ୍ରେସ ବିଧାୟକ ଅଳ୍ପେଶ ଠାକୁର କଂଗ୍ରେସ ଛାଡି ଭାରତୀୟ ଜନତା ପାର୍ଟିରେ ଯୋଗଦେଇ ପାରନ୍ତି। ଏ ନେଇ ଅଳ୍ପେଶ ଶୁକ୍ରବାର ସମ୍ପୁର୍ଣ୍ଣ ସୂଚନା ଦେବେ ବୋଲି ଜଣାପଡିଛି।
ଗୁଜରାଟ ସାଧନପୁର ନିର୍ବାଚନ ମଣ୍ଡଳିରୁ ଅଳ୍ପେଶ ଠାକୁର ବିଧାୟକ ରହିଛନ୍ତି। ଅଳ୍ପେଶ ନିଜର ଦଳ ବଦଳ ପାଇଁ ଗୁରୁବାର ଏକ ବୈଠକ ଡାକିଥିଲେ। ସୂଚନା ଅନୁସାରେ ଅଳ୍ପେଶ ବିଜେପିରେ ଯୋଗଦେବା ପରେ ତାଙ୍କୁ ସିଧାସଳଖ ମନ୍ତ୍ରୀପଦ ପ୍ରଦାନ କରାଯିବ। ଏ ନେଇ ଗାନ୍ଧିନଗରରେ ପ୍ରସ୍ତୁତି ମଧ୍ୟ ଆରମ୍ଭ ହୋଇଯାଇଛି।
ଏନେଇ ଅଳ୍ପେଶ କହିଛନ୍ତି ମୁଁ ଶୁକ୍ରବାର ଦିନ ୨ଟାରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ସମସ୍ତ ଗୁଜବରୁ ପରଦା ଉଠାଇବାକୁ ଯାଉଛି। ସମସ୍ତ ନେତାଙ୍କ ପାଇଁ ବିଜେପି ଦ୍ୱାର ଖୋଲାଅଛି ବୋଲି ଗୁଜରାଟ ଉପମୁଖ୍ୟମନ୍ତ୍ରୀ କହିଛନ୍ତି।
