ବିମାନ ଭଳି ସୁବିଧା: ଖୁବ୍ ଶୀଘ୍ର ଗଡିବ ବନ୍ଦେ ଭାରତ ସ୍ଲିପର ଓ ବନ୍ଦେ ମେଟ୍ରୋ ଟ୍ରେନ୍

ନୂଆଦିଲ୍ଲୀ : ଭାରତୀୟ ରେଳ ଖୁବ୍ ଶୀଘ୍ର ନୂଆ ଟ୍ରେନ୍ ଆରମ୍ଭ କରିବାକୁ ଯାଉଛି । ରେଳବାଇ ସ୍ଲିପର ବନ୍ଦେ ଭାରତ ଏକ୍ସପ୍ରେସ, ବନ୍ଦେ ମେଟ୍ରୋକୁ ନେଇ ନୂଆ ଅପଡେଟ୍ ଜାରି କରିଛି । ଖୁବ୍ ଶୀଘ୍ର ବନ୍ଦେ ଭାରତ ସ୍ଲିପର ଓ ବନ୍ଦେ ଭାରତ ମେଟ୍ରୋ ରେଳ ଦୌଡିବା ଆରମ୍ଭ କରିବ । ବନ୍ଦେ ଭାରତକୁ ଦୂର ଯାତ୍ରା ପାଇଁ ଚଳାଇବା ପାଇଁ ରେଳବାଇ ଖୁବଶୀଘ୍ର ଏହାକୁ ସ୍ଲିପର କୋଚ୍ ସହିତ ଆରମ୍ଭ କରିବାକୁ ଯାଉଛି । ଏହା ସହିତ କମ୍ ଦୂର ସହର ମଧ୍ୟରେ ଇଣ୍ଟରସିଟି ଟ୍ରେନ୍ ରୂପେ ମେଟ୍ରୋ ଚାଲିବା ପାଇଁ ଯୋଜନା ରହିଛି ।

ଭାରତୀୟ ରେଳ ସ୍ଲିପର ବନ୍ଦେ ଭାରତ ଏକ୍ସପ୍ରେସ ଏବଂ ବନ୍ଦେ ମେଟ୍ରୋର ଶୁଭାରମ୍ଭ କରିବାକୁ ଯାଉଛି । ଟ୍ରେନ୍ ସମ୍ପୂର୍ଣ୍ଣ ରୂପେ ପ୍ରସ୍ତୁତ ହୋଇସାରିଛି ଏବଂ ଏହାର ପ୍ରଥମ ଝଲକ ସାମ୍ନାକୁ ଆସିସାରିଛି । ଫଟୋରୁ ସ୍ପଷ୍ଟ ଜଣାପଡୁଛି ଯେ ଟ୍ରେନ୍ ଯାତ୍ରୀଙ୍କୁ ବିମାନ ଯାତ୍ରୀ ଭଳି ଅନୁଭୂତି ମିଳିବ । ରେଳବାଇର ସୂଚନା ଅନୁସାରେ ଖୁବ ଶୀଘ୍ର ଏହି ଟ୍ରେନଗୁଡିକର ଟ୍ରାଏଲ ଆରମ୍ଭ କରି ଯାତ୍ରୀଙ୍କ ପାଇଁ ଚଳାଯିବ ।