ନୂଆଦିଲ୍ଲୀ: କାନ୍ସ ଫିଲ୍ମ ଫେଷ୍ଟିଭାଲ୨୦୨୪ ଚାଲିଥିବା ବେଳେ ଦେଶ ତଥା ବିଦେଶର ଅନେକ ସୁନ୍ଦରୀ ରେଡ୍ କାର୍ପେଟରେ ନିଜର ଜଲୱା ଦେଖାଉଛନ୍ତି। ଏହି କାର୍ପେଟରେ ବୁଧବାର ନିଜର ଜଲୱା ଦେଖାଇଛନ୍ତି ବଲିଉଡ ଅଭିନେତ୍ରୀ ତଥା ବିଶ୍ୱ ସୁନ୍ଦରୀ ଐଶ୍ୱର୍ଯ୍ୟା ରାୟ ବଚ୍ଚନ। ସୋସିଆଲ ମିଡ଼ିଆରେ ଐଶ୍ୱର୍ଯ୍ୟାଙ୍କ ଫଟୋ ସାମ୍ନାକୁ ଆସିଛି। ଐଶ୍ୱର୍ଯ୍ୟାଙ୍କ ହାତରେ ଆଘାତ ଲାଗିଥିବାରୁ ପ୍ଲାଷ୍ଟର ହୋଇଥିବା ଫଟୋରୁ ଜଣାପଡିଛି। ଏହା ସତ୍ୱେ ବି ନିଜର ଗ୍ଲାମର ଲୁକରେ ସମସ୍ତଙ୍କୁ ଚକିତ କରିଦେଇଛନ୍ତି ଐଶ୍ୱର୍ଯ୍ୟା।
ଚଳିତ କାନ୍ସ ଫେଷ୍ଟିଭାଲରେ ଐଶ୍ୱର୍ଯ୍ୟା ବ୍ଲାକ୍, ହ୍ୱାଇଟ୍ ଏବଂ ଗୋଲଡେନ୍ କମ୍ବିନେସନର ହେଭି ଗାଉନ୍ ପରିଧାନ କରିଥିଲେ। ଏଥିରେ ଏକ ଲମ୍ବା ଟ୍ରେଲ୍ ରହିଥିବା ବେଳେ ବଡ ବଡ ଗୋଲଡେନ ଫ୍ଲାୱାର ଦୃଷ୍ଟି ଆକର୍ଷଣ କରିଥିଲା। ଐଶ୍ୱର୍ଯ୍ୟାଙ୍କ ହାତରେ ଆଘାତ ଲାଗିଥିବା ଖବର ସାମ୍ନାକୁ ଆସିବା ପରେ ସେ କାନ୍ସ ଫେଷ୍ଟିଭାଲରେ ସାମିଲ ହେବେ କି ନାହିଁ ତାକୁ ନେଇ ଚର୍ଚ୍ଚା ଲାଗି ରହିଥିଲା। ହେଲେ ବୁଧବାର କାନ୍ସ ଫେଷ୍ଟିଭାଲରେ ସାମିଲ ହେବାକୁ ଝିଅ ଆରାଧ୍ୟା ସହିତ ଯାଉଥିବା ଦେଖିବାକୁ ମିଳିଥିଲା। ନିଜ ଲୁକ୍ ଓ ଆଉଟଫିଟ୍ ସହିତ ମ୍ୟାଚ କରିବାକୁ ଐଶ୍ୱର୍ଯ୍ୟା ହାତରେ ଧଳା ରଙ୍ଗର ବ୍ୟାଣ୍ଡେଜ ଗୁଡାଇଥିଲେ।
Comments are closed.