ଆଫ୍‍ଗାନିସ୍ତାନର ଏକ ନିର୍ମାଣ କମ୍ପାନୀ ଉପରେ ଆତଙ୍କବାଦୀ ଆକ୍ରମଣ – ୧୮ ମୃତ

ନୂଆଦିଲ୍ଲୀ: ଆଫ୍‍ଗାନିସ୍ତାନର ପୂର୍ବାଞ୍ଚଳ ଜଲାଲାବାଦ୍‍ର ଏକ ନିର୍ମାଣ କମ୍ପାନୀ ଉପରେ ଆତଙ୍କବାଦୀ ଆକ୍ରମଣରେ ୧୮ ଜଣଙ୍କ ମୃତ୍ୟୁ ଘଟିଛି। ନଙ୍ଗରହର ଗଭର୍ଣ୍ଣରଙ୍କ ମୁଖପାତ୍ର ଅତ୍ତାଉଲ୍ଲାହ ଖୋଜ୍ଞାନୀ କହିଛନ୍ତି, ଜଣେ ଆତଙ୍କବାଦୀ କମ୍ପାନୀ ପ୍ରବେଶଦ୍ୱାରରେ ଆତ୍ମଘାତି ବିସ୍ଫୋରଣ କରିଥିଲେ ଏବଂ ଅନ୍ୟ ୪ଜଣ ଆତଙ୍କବାଦୀ କମ୍ପାନୀ ଭିତରକୁ ପ୍ରବେଶ କରି ଆଖିବୁଜା ଗୁଳି ଚଳେଇଥିଲେ। ଆଫ୍‍ଗାନ ସୁରକ୍ଷା କର୍ମୀ ସମସ୍ତ ୫ଜଣ ସନ୍ତ୍ରାସବାଦୀକୁ ଗୁଳି କରି ହତ୍ୟା କରିଥିଲେ। ଏ ପର୍ଯ୍ୟନ୍ତ କୌଣସି ଆତଙ୍କବାଦୀ ସଂଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରିନାହାନ୍ତି। ଆମେରୀକୀୟ ସୁରକ୍ଷା ବଳ ଘଟଣା ସ୍ଥଳରେ ପହଞ୍ଚିଥିବା ସୂଚନା ମିଳିଛି।