ନୂଆଦିଲ୍ଲୀ: ଭାରତର ପ୍ରଥମ ସୌର ମିଶନ୍ ‘ଆଦିତ୍ୟ-ଏଲ୧’ ସୂର୍ଯ୍ୟଙ୍କ ନିକଟରେ ପହଞ୍ଚିବା ପୂର୍ବରୁ ଇସ୍ରୋ ଏହାର କ୍ୟାମେରା ବ୍ୟବହାର ଆରମ୍ଭ କରିଦେଇଛି। ସେପ୍ଟେମ୍ବର ୪ ରେ ଇସ୍ରୋ ‘ଆଦିତ୍ୟ-ଏଲ୧’ ଦ୍ବାରା ପୃଥିବୀ ଏବଂ ଚନ୍ଦ୍ରର ଦୁଇଟି ସୁନ୍ଦର ଚିତ୍ର ଉତ୍ତୋଳନ କରିଛି। ଗୁରୁବାର ଇସ୍ରୋ ପକ୍ଷରୁ ଏହି ଫଟୋ ଶେୟାର କରାଯାଇଛି। ଇସ୍ରୋ ଏକ୍ସ(ଟ୍ବିଟର)ରେ କରିଥିବା ନିଜ ପୋଷ୍ଟରେ ଆଦିତ୍ୟ ଏଲ-୧କୁ ତୀକ୍ଷ୍ଣ ନଜର ରଖିବାବାଲା ବୋଲି କହିଛି। କେବଳ ଏତିକି ନୁହେଁ ‘ଆଦିତ୍ୟ-ଏଲ୧’ ନିଜର ଏକ ସେଲ୍ଫି ମଧ୍ୟ ନେଇଛି।
Aditya-L1 Mission:
👀Onlooker!Aditya-L1,
destined for the Sun-Earth L1 point,
takes a selfie and
images of the Earth and the Moon.#AdityaL1 pic.twitter.com/54KxrfYSwy— ISRO (@isro) September 7, 2023
ଭିଡିଓରେ ଇସ୍ରୋ ଏହି ସେଲ୍ଫିକୁ ମଧ୍ୟ ପୋଷ୍ଟ କରିଛି, ଯେଉଁଥିରେ ‘ଆଦିତ୍ୟ-ଏଲ୧’ର ଭେଲ୍କ ଓ ସୁଟ୍ ଦେଖିବାକୁ ମିଳିଛି। ଦେଶର ପ୍ରଥମ ସୌରଯାନ ଅଦିତ୍ୟ-ଏଲ୍୧ ଏବେ ପୃଥିବୀର ୧.୫ ଲକ୍ଷ କିଲୋମିଟର ଦୂରରେ ରହିଛି। ଏହି ଯାନଟି ତା’ର ଲାଗ୍ରାଙ୍ଗିଆନ୍ ପଏଣ୍ଟ(ଏଲ୍୧)କୁ ଯିବାବେଳେ ପୃଥିବୀ ଓ ଚନ୍ଦ୍ରର ଫଟୋ ଉଠାଇଛି।
ସୂଚନାଯୋଗ୍ୟ, ସେପ୍ଟେମ୍ବର ୨ରେ ଆନ୍ଧ୍ରପ୍ରଦେଶର ଶ୍ରୀହରିକୋଟାଠାରୁ ଉତ୍କ୍ଷେପଣ ହୋଇଥିଲା ‘ଆଦିତ୍ୟ ଏଲ୍-୧’। ୧୨୫ ଦିନ ପରେ ଆଦିତ୍ୟ- ଏଲ୍୧ ଗନ୍ତବ୍ୟ ସ୍ଥଳରେ ପହଞ୍ଚିବ ବୋଲି ଆଶା କରାଯାଉଛି।
