ତେଲକୋଇ: ତେଲକୋଇ ଥାନା ଅନ୍ତର୍ଗତ ୪୯ ନଂ ଜାତୀୟରାଜପଥ ବାରାହାଦେବତା ଠରେ ଶନିବାର ସକାଳୁ ଏକ ସଡକ ଦୁର୍ଘଟଣା ଘଟିଛି । ଏକ ଟ୍ରକକୁ ପଛରୁ ପିଟିଛି ସ୍କର୍ପିଓ । ର୍ଘଟଣାରେ ଜଣେ ଗୁରୁତର ଆହତ ହୋଇ କେନ୍ଦୁଝର ଜିଲ୍ଲା ମୁଖ୍ୟ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର ହୋଇଥିବା ବେଳେ ଦୁଇଜଣ ଆହତ ହୋଇଛନ୍ତି । ଗୁରୁତର ଜଣକ ରାଉରକେଲା ଅଞ୍ଚଳର ଅଶୋକ ପ୍ରସାଦ(୫୬) ବୋଲି ଜଣାପଡିଛି । ଚାଳକ ସଞ୍ଜୀବ ଏକ୍କା(୨୮), ମହମ୍ମଦ ଇମତିଆଜ (୧୮) ଆହତ ହୋଇଛନ୍ତି । ସୂଚନା ଅନୁଯାୟୀ ଏକ ସ୍କର୍ପିଓ ଯୋଗେ କେନ୍ଦୁଝରରୁ ରାଉରକେଲା ଯାଉଥିବା ବେଳେ ଭୋର ସମୟରେ ବାରାହାଦେବତା ଠାରେ ଘଟିଛି ଏହି ଦୁର୍ଘଟଣା ଘଟିଛି। ସ୍କର୍ପିଓ ଏକ ଟ୍ରକକୁ ଅତିକ୍ରମ କରିବା ବେଳେ କେନ୍ଦୁଝର ପଟୁ ପାଲ୍ଲଲହଡା ପଟେ ଯାଉଥିବା ଅନ୍ୟ ଏକ ଟ୍ରକକୁ ପଛପଟୁ ଧକ୍କା ଦେଇଥିଲା। ଖବର ପାଇ ରୁଗୁଡି ପଥକର ଫାଟକର ରୋଗୀଯାନ ବୁହା ଗାଡି ଯୋଗେ ସମସ୍ତ ଆହତଙ୍କୁ ତେଲକୋଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ରେ ଭର୍ତ୍ତି କରାଯାଇଥିଲା । ଅଶୋକଙ୍କ ଅବସ୍ଥା ଅତି ଗୁରୁତର ଥିବାରୁ ତାଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି।
Popular Categories
Previous article
Next article