ଆଠଗଡ : ଆଠଗଡ ଥାନା ଅନ୍ତର୍ଗତ ମାରୁଗୋଠ ଛକ ନିକଟରେ ଏକ ଅଜଣା ଗାଡି ଧକ୍କାରେ ଜଣେ ମହିଳାଙ୍କର ମୃତ୍ୟୁ ହୋଇଯାଇଥିବା ଜଣାପଡିଛି । ଘଟଣାରୁ ପ୍ରକାଶ ଇଚ୍ଛାପୁର ପଞ୍ଚାୟତ ଅନ୍ତର୍ଗତ ଅରଖପାଟଣା ଗ୍ରାମର ସ୍ୱର୍ଗତ ଦିଲ୍ଲୀପ କୁମାର ବାରିକଙ୍କ ପତ୍ନୀ ମଞ୍ଜୁଲତା ବାରିକ ତାଙ୍କ ପୁଅ ବିଶ୍ୱଜିତ୍ଙ୍କ ସହିତ ଏକ ବାଇକ୍ରେ ବଉଳାଙ୍ଗ ଗ୍ରାମରୁ ନିଜ ଗ୍ରାମ ଅରଖପାଟଣାକୁ ବଡଭୂଇଁ ଗ୍ରାମରୁ ମାରୁଗୋଠ ଛକ ଆଡକୁ ଆସୁଥିବାବେଳେ ଏକ ଅଜଣା ବୋଲେରୋ ଗାଡି ତାଙ୍କ ବାଇକକୁ ପଛପଟୁ ଧକ୍କା ଦେଇ ସେଠାରୁ ଦ୍ରୁତଗତିରେ ପଳାଇ ଯାଇଥିଲା। ରାସ୍ତାରେ ଛିଟିକି ପଡି ଗୁରୁତର ଆହତ ହୋଇଥିବା ମଞ୍ଜୁଲତାଙ୍କୁ ଏକ ୧୦୮ ରୋଗୀବୁହା ଯାନରେ ଆଠଗଡ ଡାକ୍ତରଖାନାକୁ ନେଇ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ପରୀକ୍ଷା ନିରୀକ୍ଷା କରିବା ପରେ ତାଙ୍କୁ ମୃତ ଘୋଷଣା କରିଥିଲେ। ଆଠଗଡ ପୁଲିସ ଘଟଣାର ତଦନ୍ତ କରି ଧକ୍କା ଦେଇଥିବା ବୋଲେରୋ ଗାଡିକୁ ଠାବ କରିବାକୁ ଉଦ୍ୟମ କରୁଛି । ଏଥି ସହିତ ମୃତ ଦେହକୁ ଜବତ କରି ପୁଲିସ ବ୍ୟବଚ୍ଛେଦ କରାଇ ଏକ ମାମଲା ରୁଜୁ କରିଛି ।
Comments are closed.