ଲଖନପୁର: ଝାରସୁଗୁଡ଼ା ଜିଲା ଲଖନପୁର ବ୍ଲକ ବନହରପାଲି ଥାନା ଅନ୍ତର୍ଗତ ନୂଆଁ ଛର୍ଲା ଗ୍ରାମ ନିକଟରେ ଥିବା ରାସ୍ତା କଡ଼ରେ ଗୁରୁବାର ବିଳମ୍ବିତ ରାତିରେ ଏକ ଟ୍ରାକ୍ଟର ଓଲଟି ପଡ଼ିବାରୁ ଜଣେ ଚାଳକ ଜଣକର ଶୋଚନୀୟ ମୃତ୍ୟୁ ଘଟିଛି । ମୃତ ଟ୍ରାକ୍ଟର ଚାଳକ ଜଣକ ବରୁଣ ମୁଣ୍ଡା ଏବଂ ତାଙ୍କ ମୂଳ ଗାଁ ମହୁଲପାଲି ବୋଲି ଜଣାପଡ଼ିଛି । ଗୁରୁବାର ରାତି ପ୍ରାୟ ୧୨ଟା ୩୦ ମିନିଟରେ ବରୁଣ ଏକ ଟ୍ରାକ୍ଟର ଓଆର ୨୩ ଏଫ ୨୧୩୮ ଯୋଗେ ନୂଆଁ ଛର୍ଲା ଗ୍ରାମ ପଟକୁ ଫେରୁଥିଲେ । ଏହି ସମୟରେ ଭାରସାମ୍ୟ ହରାଇ ଟ୍ରାକ୍ଟରଟି ଓଲଟି ପଡ଼ିଥିବା ବେଳେ ଘଟଣା ସ୍ଥଳରେ ଚାଳକ ବରୁଣର ମୃତ୍ୟୁ ଘଟିଥିଲା । ଏହି ଖବର ପାଇ ପୁଲିସ ଘଟଣା ସ୍ଥଳକୁ ପହଂଚି ମୃତ ବରୁଣର ମୃତ ଦେହକୁ ଉଦ୍ଧାର କରିଥିଲା । ଏନେଇ ବନହରପାଲି ଥାନାରେ କେସ ନମ୍ବର ୧୫/୧୯ରେ ଏକ ମାମଲା ରୁଜୁ କରି ପୁଲିସ ଅଧିକ ତଦନ୍ତ ଜାରି ରଖିଛି ।