ନୂଆଦିଲ୍ଲୀ : ଦିଲ୍ଲୀରେ ଏକ ଦୁଃଖଦ ଘଟଣା ସାମ୍ନାକୁ ଆସିଛି । କରୋଲବାଗରେ ଜଣେ ଯୁବକଙ୍କ ଉପରେ ତୃତୀୟ ମହଲାରୁ ଏସି ଖସିପଡିବାରୁ ତାଙ୍କର ମୃତ୍ୟୁ ହୋଇଛି । ଏହି ମର୍ମନ୍ତୁଦ ଘଟଣାର ଦୃଶ୍ୟ ଭାଇରାଲ ହେଉଛି । ଦୁର୍ଘଟଣାରେ ଅନ୍ୟ ଜଣେ ଯୁବକ ଆହତ ହୋଇଥିବା ନେଇ ପୁଲିସ ସୂଚନା ଦେଇଛି । ତାଙ୍କର ଚିକିତ୍ସା ଚାଲିଛି ।
देखिए दिल हिला देने वाला सीसीटीवी सामने आया है
अचानक हुआ एक हादसा,गली मे खड़े दो लड़के बाते कर रहे थे, तभी तीसरी मंजिल से एक AC उपर से एक लडके के उप्पर गिर पड़ा , जिसमे 19 साल के लड़के की मौत हो गई, घटना करोल बाग़ इलाके की है जिसका CCTV सामने आया है @DelhiPolice pic.twitter.com/vXL0ungIkq
— Lavely Bakshi (@lavelybakshi) August 18, 2024
ଘଟଣାଟି କରୋଲବାଗ ଅଞ୍ଚଳର । ଏଠାରେ ଡିବିଜି ରୋଡର ଡୋରିବଲାନ ଅଞ୍ଚଳରେ ଜଣେ ଯୁବକ ନିଜ ସାଙ୍ଗଙ୍କ ସହିତ ବସିଥିଲେ । ଏହି ସମୟରେ ତାଙ୍କ ଉପରେ ଏସି ଖସିପଡିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ତାଙ୍କ ପାଖରେ ଥିବା ସାଙ୍ଗ ଏଥିରେ ଆହତ ହୋଇଛନ୍ତି । ମୃତ ଯୁବକଙ୍କ ନାଁ ଜିତେଶ । ଏସି କେମିତି ଓ କାହିଁକି ଖସିଲା କିମ୍ବା କିଏ ଜାଣିଶୁଣି ଏହାକୁ ଖସାଇଲା ସେନେଇ ପୁଲିସ ମାମଲାର ଯାଞ୍ଚ କରୁଥିବା ସୂଚନା ଦେଇଛି ।
Comments are closed.