ଚଣ୍ଡିଗଡ଼ : ହରିୟାଣାରେ ମେଧାବୀ ଛାତ୍ରୀଙ୍କୁ ଗଣବଳାତ୍କାର ମାମଲାକୁ ନିନ୍ଦା କରିବାକୁ ଯାଇ ରାଜ୍ୟର ଆମ୍ ଆଦ୍ମୀ ପାର୍ଟି(ଆପ୍) ବିଧାୟକ ନବୀନ ଜୟହିନ୍ଦ୍ ବିବାଦୀୟ ମନ୍ତବ୍ୟ ଦେଇଛନ୍ତି। ଏହି ଘଟଣାରେ ରାଜ୍ୟର ବିଜେପି ସରକାରଙ୍କ ଭୂମିକାକୁ ନିନ୍ଦା କରିବାକୁ ଯାଇ ନବୀନ କହିଛନ୍ତି ଯେ ‘ବିଜେପି ବିଧାୟକମାନେ ବଳାତ୍କାରଜନିତ ଦୁଃଖ ବୁଝିପାରୁନାହାନ୍ତି। ପ୍ରତ୍ୟେକ ବିଜେପି ବିଧାୟକ ୧୦ଜଣଙ୍କ ଦ୍ୱାରା ବଳାତ୍କାର ହେବାକୁ ରାଜି ହେଲେ ମୁଁ ସେମାନଙ୍କୁ ୨୦ଲକ୍ଷ ଟଙ୍କା ଦେବାକୁ ପ୍ରସ୍ତୁତ ଅଛି। ରାଜ୍ୟରେ ମହିଳା ସୁରକ୍ଷିତ ନୁହନ୍ତି। ସରକାର ଭାବୁଛନ୍ତି ଯେ ବଳାତ୍କାର ଶିକାର ଝିଅର ଇଜ୍ଜତର ମୂଲ୍ୟ ମାତ୍ର ୨ଲକ୍ଷ ଟଙ୍କା। ସରକାର ସପ୍ତାହକ ପରେ ସୁଦ୍ଧା ଅଭିଯୁକ୍ତମାନଙ୍କୁ ଧରିପାରୁ ନଥିବାବେଳେ ପୀଡ଼ିତାକୁ ୨ଲକ୍ଷ ଟଙ୍କାର ସହାୟତା ପ୍ରଦାନ କରିବା ହାସ୍ୟାସ୍ପଦ।’ ଏହି ଅବସରରେ ନବୀନ ମନୋହରଳାଲ ଖଟ୍ଟର ସରକାରଙ୍କୁ କୌରବଙ୍କ ସହିତ ତୁଳନା କରିଛନ୍ତି। ହରିୟାଣା କୌରବଭ୍କ ଶାସନାଧୀନ ଥିଲାବେଳେ ଖଟ୍ଟର ଧୃତରାଷ୍ଟ୍ର ଭଳି ଶାସନ କରୁଛନ୍ତି ବୋଲି ସେ କହିଛନ୍ତି। ଆମ୍ ଆଦ୍ମୀ ପାର୍ଟିର ଅନ୍ୟ ଜଣେ ବିଧାୟକ ଅତିଶି ମାର୍ଲେନା ନବୀନଙ୍କୁ ସମର୍ଥନ କରିଛନ୍ତି। ନବୀନ ଯାହା କହିଛନ୍ତି ଠିକ୍; କିନ୍ତୁ ତାଙ୍କାର କହିବା ଶୈଳୀ ଅନୁଜଚିତ ବୋଲି ସେ ମତ ଦେଇଛନ୍ତି।
