ମୁମ୍ବଇ : ମହାରାଷ୍ଟ୍ରର ପୁଣେ ସହର ନିକଟ ଇନ୍ଦାପୁର ନିକଟରେ ମଙ୍ଗଳବାର କାର୍ଭେର ଆଭିଏସ୍ନର ଏକ ପ୍ରଶିକ୍ଷଣ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ବିମାନ ପରିଚାଳକ (ପାଇଲଟ୍) ଆହତ ହୋଇଛନ୍ତି। ବାରାମତୀସ୍ଥିତ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଛି। ପ୍ରକାଶଯୋଗ୍ୟ ଯେ କାର୍ଭେଣ ଆଭିଏସ୍ନ ହେଉଛି ଏକ ପାଇଲଟ ପ୍ରଶିକ୍ଷଣ ଅନୁଷ୍ଠାନ।
ପୁଲିସ୍ଠାରୁ ମିଳିଥିବା ସୂଚନା ଅନୁସାରେ ପ୍ରଶିକ୍ଷକ ପାଇଲଟ୍ ସିଦ୍ଧାର୍ଥ ଟାଇଟସ୍ଙ୍କ ଡାହାଣ ହାତ ଭାଙ୍ଗିଯାଇଛି। ଇନ୍ଦାପୁର ତାଲୁକର ରୁଇ ଗ୍ରାମରେ ଏହି ଦୁର୍ଘଟଣା ଘଟିଛି। ଯାନ୍ତ୍ରିକ ତ୍ରୁଟିରୁ ଏହି ଦୁର୍ଘଟଣା ଘଟିଥିବା ଦର୍ଶାଯାଇଛି। ପାଇଲଟ ସିଦ୍ଧାର୍ଥ ୩ ବର୍ଷ ହବ ଅନୁଷ୍ଠାନରେ କାର୍ଯ୍ୟ କରୁଛନ୍ତି। ତାଙ୍କ ନିକଟରେ ୧୩୦ ଘଣ୍ଟା ବିମାନ ଉଡ଼ାଣର ଅଭିଜ୍ଞତା ରହିଛି।
