ପାଲୱାଲ : କୁଖ୍ୟାତ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବା (ଏଲ୍ଇଟି) ଅର୍ଥରେ ହରିୟାଣା ପାଲୱାଲ ଜିଲାରେ ଏକ ମସଜିଦ୍ ନିର୍ମିତ ହୋଇଛି ବୋଲି ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ତଦନ୍ତରୁ ପଦାକୁ ଆସିଛି। ପାଲୱାଲ ଜିଲାର ଉତ୍ତାୱାର ଗ୍ରାମରେ ଏହି ମସଜିଜ୍ ନିର୍ମାଣ ହୋଇଛି ଓ ଏହାର ନାମ ଖୁଲାଫା-ଏ-ରାଶଦିନ ରଖାଯାଇଛି। ଲସ୍କର ନିଜ ଆତଙ୍କବାଦୀ ସଂଗଠନ ଫଲାହ-ଏ-ଇନସାନିୟତ ସଂଗଠନ ଜରିଆରେ ମସଜିଦ୍ ନିର୍ମାଣ ପାଇଁ ପାଣ୍ଠି ଯୋଗାଉଥିଲା । ଅପରପକ୍ଷେ ଗ୍ରାମ ମୁଖିଆ ଏନ୍ଆଇଏର ତଦନ୍ତ ରିପୋର୍ଟକୁ ଖଣ୍ଡନ କରିଛନ୍ତି।
ଏନ୍ଆଇଏ ପକ୍ଷରୁ ଅକ୍ଟୋବର ୩ରେ ଏହାର ତଦନ୍ତ କରାଯାଇଥିଲା। ଏହାର ୩ ଦିନ ପରେ ଟେଣ୍ଡର ଫିକ୍ସିଂ ଅଭିଯୋଗରେ ମସଜିଦ୍ର ଇମାମ ମୋହମ୍ମଦ ସଲମାନଙ୍କ ସମେତ ୩ ଜଣଙ୍କୁ ଏନ୍ଆଇଏ ପକ୍ଷରୁ ଗିରଫ କରାଯାଇଥିଲା। ମସଜିଦ୍ର ଇମାମ ମୋହମ୍ମଦ ସଲମାନଙ୍କୁ ଦୁବାଇ ନିବାସୀ ପାକିସ୍ତାନ ନାଗରିକ କାମରାନଙ୍କ ନାମରେ ୭୦ ଲକ୍ଷ ଟଙ୍କାର ଏକ ଚେକ୍ ମିଳିଥିଲା। କୁହାଯାଉଛି ଯେ କାମରାନ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବା ପାଇଁ କାର୍ଯ୍ୟ କରେ। ଭାରତରେ ଆତଙ୍କବାଦୀ କାର୍ଯ୍ୟ ଚଲାଇବା ପାଇଁ କାମରନା ପାଣ୍ଠି ଯୋଗାଇଥାଏ। ଖବର ଅନୁସାରେ ଏଠାକାର ବାସିନ୍ଦାଙ୍କୁ ସଲମାନଙ୍କ ସହ ଲସ୍କରର ସମ୍ପର୍କ ବିଷୟରେ ଜଣାନଥିଲା। ଏହି ମସଜିଦ୍ ଏକ ବିବାଦୀୟ ଜମିରେ ନିର୍ମିତ ହୋଇଥିବା ଜଣାପଡ଼ିଛି। ଏନ୍ଆଇଏ ପକ୍ଷରୁ ମସଜିଦ୍ ପଦାଧିକାରୀଙ୍କୁ ପଚରାଉଚୁରା କରାଯାଉଛି। ଦାନ ଓ ବିଭିନ୍ନ ଦସ୍ତାବିଜ୍ର ବିବରଣୀକୁ ଜବତ କରାଯାଇଛି।
ଲସ୍କର-ଏ-ତୋଇବା ଅର୍ଥରେ ନିର୍ମାଣ ହୋଇଛି ପାଲୱାଲ ମସଜିଦ୍: ଏନ୍ଆଇଏ
Popular Categories
Previous article
Next article