ନୂଆଦିଲ୍ଲୀ : କୁଷ୍ଠ ରୋଗୀଙ୍କ ସେବା ପାଇଁ ଜୀବନ ଉତ୍ସର୍ଗ କରି ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଥିବା ସମାଜ ସେବୀ ଦାମୋଦର ଗଣେଶ ବାପଟଙ୍କ ଦେହାନ୍ତ ହୋଇଛି। ଶୁକ୍ରବାର ବିଳମ୍ବିତ ରାତି ପ୍ରାୟ ୨ଟା ୩୭ ମିନିଟ୍ରେ ବିଳାସପୁରର ଅପୋଲୋ ହସ୍ପିଟାଲରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ବୟସ ହୋଇଥିଲେ। ଦୀର୍ଘ ସମୟ ଧରି ସେ ଶାରୀରିକ ଅସୁସ୍ଥ ଥିଲେ। ଅସହାୟ ଓ କୁଷ୍ଠ ରୋଗୀଙ୍କ ସେବା ପାଇଁ କାତ୍ରେନଗର ଚାମ୍ପରେ ନିର୍ମାଣ ହୋଇଥିବା ସୋନ୍ଥି ଆଶ୍ରମରେ ତାଙ୍କର ଶେଷ ଦର୍ଶନ ପାଇଁ ଆୟୋଜନ କରାଯାଇଛି । ଗତବର୍ଷ ନୂଆଦିଲ୍ଲୀର ରାଷ୍ଟ୍ରପତି ଭବନରେ ଆୟୋଜିତ ସମାରୋହରେ ରାଷ୍ଟ୍ରପତି ରାମନାଥ କୋବିନ୍ଦ ସମାଜ ସେବୀ ଦାମୋଦର ଗଣେଶ ବାପଟଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଥିଲେ ।
Popular Categories
Previous article
Next article