କଣ୍ଟାବାଞ୍ଜି : କଣ୍ଟାବାଞ୍ଜି ଅବକାରୀ ରେଞ୍ଜ ଓ ବଲାଙ୍ଗିର ମୋବାଇଲସ୍କ୍ୱାର୍ଡ ମିଳିତ ଭାବରେ ସହରରେ ଚଢଉ କରି ଗାୟତ୍ରୀ ମନ୍ଦିର ନିକଟରେ ଜଣେ ଗଞ୍ଜେଇ ବ୍ୟବସାୟୀ ସୁଶାନ୍ତ ସାହୁଙ୍କୁ ଗିରଫ କରିଛନ୍ତି। ସୁଶାନ୍ତ ଏକ ଅଖାରେ ପ୍ରାୟ ୨ କେଜି ଗଞ୍ଜେଇ ନେଇ ଫେରାର ହୋଇ ଯାଉଥିବା ବେଳେ ଅବକାରୀ ସ୍କ୍ୱାର୍ଡ ଦ୍ୱାରା ଗିରଫ ହୋଇଥିବା ଜଣାପଡିଛି। ଅବକାରୀ ସ୍କ୍ୱାର୍ଡ ର ଚଢଉ ପରେ ସହରରେ ନିଶା ବେପାରୀ ଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି। ବିଭିନ୍ନ ଗଣମାଧ୍ୟମରେ ବହୁବାର କଣ୍ଟାବାଞ୍ଜି ସହରରେ ନିଶା କାରବାର, ଗଂଜେଇ, କୋରେକ୍ସ ବେଆଇନ ମଦ ସହର ଗଳିକନ୍ଦିରେ ବିକ୍ରି ହୋଇ ଆସୁଥିବା ଖବର ପ୍ରକାଶ ପାଇବା ସହ ସହରବାସୀ ମଧ୍ୟ ଅଭିଯୋଗ କରିଆସୁଥିଲେ। ଅବକାରୀ ବିଭାଗ ସ୍କ୍ୱାର୍ଡ ସହର କିଛି ସ୍ଥାନରେ ପୂର୍ବରୁ ଚଢାଉ କରି ତିନି ଜଣ ବେଆଇନ ମଦ ବିକ୍ରେତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ ।
Comments are closed.