ନୂଆଦିଲ୍ଲୀ: ବନ୍ଧୁତ୍ବ ଦିବସ ଉପଲକ୍ଷେ ରବିବାର ଭାରତକୁ ଅଭିନନ୍ଦନ ଜଣାଇଛି ଇସ୍ରାଏଲ। ଏହି ଅଭିନନ୍ଦନକୁ ସ୍ବାଗତ କରିବା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇସ୍ରାଏଲକୁ ଅନୁରୂପ ଅଭିନନ୍ଦନ ଜଣାଇଛନ୍ତି। ବନ୍ଧୁତ୍ବ ଦିବସର ଅଭିନନ୍ଦନ ପାଇଁ ନୂଆଦିଲ୍ଲୀସ୍ଥିତ ଇସ୍ରାଏଲ ଦୂତାବାସ ବେଞ୍ଜାମିନ ନେତାନ୍ୟାହୁ ଓ ନରେନ୍ଦ୍ର ମୋଦୀଙ୍କ ଏକ ଭିଡିଓ ପୋଷ୍ଟ କରିଥିଲା। ଇସ୍ରାଏଲ ଦୂତାବାସର ଟ୍ବିଟର ଆକାଉଣ୍ଟରେ ଏହି ଭିଡିଓ ପୋଷ୍ଟ କରାଯିବା ସହିତ ଦୁଇଦେଶ ମଧ୍ୟରେ ଦୃଢ ଓ ଘନିଷ୍ଠ ବନ୍ଧୁତା ଥିବା ଉଲ୍ଲେଖ କରାଯାଇଥିଲା। ଏହା ସହିତ ବଲିଉଡର ସଂଳାପ ‘ୟେ ଦୋସ୍ତି ହମ ନେହିଁ ତୋଡେଙ୍ଗେ’ ମଧ୍ୟ ଲେଖାଯାଇଥିଲା। ସୋସିଆଲ ମିଡିଆରେ ବେଶ ସକ୍ରିୟ ରହିଥିବା ପ୍ରଧାନମନ୍ତ୍ରୀ ମୋଦୀ ଏହି ଟୁଇଟ୍ର ଉତ୍ତର ଦେଇ ଆମର ସମ୍ପର୍କ ଶକ୍ତ ଓ ଶାଶ୍ବତ ବୋଲି ଲେଖିଥିଲେ। ଆସନ୍ତା ସେପ୍ଟେମ୍ବର ୯ରେ ନେତାନ୍ୟାହୁ ଭାରତ ଗସ୍ତରେ ଆସିବାର କାର୍ଯ୍ୟକ୍ରମ ରହିଛି।
Comments are closed.