ଖୋର୍ଦ୍ଧା : ଲୋକସେବକ ମଣ୍ଡଳ ରାଷ୍ଟ୍ରୀୟ ସମ୍ପାଦକ ତଥା ‘ସମାଜ ରିଲିଫ ପାଣ୍ଠି’ ଅଧ୍ୟକ୍ଷ ଡ଼.ପ୍ରଭାସ ଚନ୍ଦ୍ର ଆଚାର୍ଯ୍ୟଙ୍କ ନିର୍ଦେଶ କ୍ରମେ ନିରାକାରପୁର ମୁଖ୍ୟ ବଜାରର ଅଗ୍ନିବିପନ୍ନଙ୍କୁ ‘ସମାଜ ରିଲିଫ ପାଣ୍ଠି’ରୁ ରବିବାର ସହାୟତା ପ୍ରଦାନ କରାଯାଇଛି । ୧୬ ତାରିଖରେ କୌଣସି କାରଣରୁ ଅଗ୍ନିକାଣ୍ଡ ଘଟି ୫ବଖରା ଦୋକାନ ଘର ଜଳି ଯାଇଥିଲା। ଭୀମସେନ ସେନାପତିଙ୍କ ଗ୍ୟାରେଜ, ନବକିଶୋର ବେହେରାଙ୍କ ଗ୍ରୋସରୀ ଦୋକାନ, ଏଲମା ଦାସ ମୋଚି ଦୋକାନ, ବିଜୟ କୁମାର ମାଝୀଙ୍କ ପରିବା ଦୋକାନ, ପ୍ରଶାନ୍ତ କୁମାର ପରିଡା ପ୍ରମୁଖଙ୍କ ଫଳ ଦୋକାନ କ୍ଷତିଗ୍ରସ୍ତ ହୋଇଥିଲା। ଏହି ଦୋକାନୀଙ୍କୁ ଦୁଇ ହଜାର ଲେଖାଏଁ (ମୋଟ ୧୦ ହଜାର ) ଟଙ୍କା ପ୍ରଦାନ କରାଯାଇଛି । ‘ସମାଜ’ ବରିଷ୍ଠ ସହ ସମ୍ପାଦକ ସୁଜିତ ମିଶ୍ର, ରିଲିଫ ବିଭାଗ କର୍ମଚାରୀ ସନ୍ତୋଷ କୁମାର ମହାପାତ୍ର, ଖୋର୍ଦ୍ଧା ପ୍ରତିନିଧି ରାମ ନାରାୟଣ, ନିରାକାରପୁର ସମ୍ବାଦଦାତା ଦାଶରଥି ଶ୍ରୀଚନ୍ଦନ, ପୂର୍ବତନ ଜିଲାପରିଷଦ ସଭ୍ୟ ରବୀନ୍ଦ୍ରକୁମାର ରାଉତରାୟ, ସମାଜସେବୀ ମୃତ୍ୟୁଞ୍ଜୟ ପ୍ରଧାନ, ମାଧବ ପାଟ୍ଟଶାଣୀ ପ୍ରମୁଖ ଉପସ୍ଥିତ ଥିଲେ ।
Comments are closed.