ଲକ୍ଷ୍ନୌ : ଉତ୍ତରପ୍ରଦେଶର ଇଟାହ ଜିଲାର ଏକ ଅଜବ ଘଟଣା ସାମ୍ନାକୁ ଆସିଛି। ସାପ ଦଂଶନ କରିବା ପରେ ଜଣେ ମଦୁଆ ସାପକୁ କାମୁଡ଼ି ଖଣ୍ଡ ଖଣ୍ଡ କରିଦେଇଛି। ସେଠାରେ ସାପର ଜୀବନ ଚାଲିଯାଇଥିଲାବେଳେ ଗୁରୁତର ଅବସ୍ଥାରେ ମଦୁଆକୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନା ଅନୁସରେ ଇଟାହ ଜିଲା ଅସରୌଲି ଗ୍ରାମର ରାଜକୁମାର ରବିବାର ରାତିରେ ପ୍ରବଳ ମଦ ପିଇ ଘରକୁ ଫେରିଥିଲା। ଘର ଭିତରେ ତାକୁ ଏକ ସାପ କାମୁଡ଼ି ଦେଇଥିଲା। ଏହାପରେ ରାଜକୁମାର ସାପକୁ କାମୁଡ଼ି ଖଣ୍ଡ ଖଣ୍ଡ କରିଦେଇଥିଲା। ରାଜକୁମାରଙ୍କ ବାପା କହିଛନ୍ତି ଯେ ତାକୁ ସାପ କାମୁଡ଼ିବା ପରେ ସେ ଅଚେତ ଅବସ୍ଥାକୁ ଚାଲି ଆସିଥିଲା। ନିଶାକ୍ତ ଅବସ୍ଥାରେ ସେ ସାପକୁ କାମୁଡ଼ି ଛିଣ୍ଡାଇ ପକାଇଥିଲା। ରାଜକୁମାରଙ୍କୁ ସ୍ଥାନୀୟ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି। ଅବସ୍ଥା ସଂକଟାପନ୍ନ ଥିବାରୁ ତାକୁ ଅନ୍ୟ ହସ୍ପିଟାଲକୁ ରେଫର କରାଯାଇଛି ବୋଲି ଡାକ୍ତର ସୂଚନା ଦେଇଛନ୍ତି।
Comments are closed.