ନୂଆଦିଲ୍ଲୀ : ଇଣ୍ଟନ୍ୟାସନାଲ କୋର୍ଟ ଅଫ ଜଷ୍ଟିସ(ଆଇସିଜେ) ବୁଧବାର ପାକିସ୍ତାନ ଜେଲ୍ରେ ବନ୍ଦୀ ଥିବା କୁଳଭୂଷଣ ଯାଦବଙ୍କ ସମ୍ପର୍କିତ ମାମଲାର ରାୟ ପ୍ରକାଶ କରିବେ। ଅବସରପ୍ରାପ୍ତ ଭାରତୀୟ ନୌବାହିନୀ ଅଧିକାରୀ ଯାଦବଙ୍କୁ ଗୁପ୍ତଚର ବୃତ୍ତି ଓ ଆତଙ୍କବାଦ ଅଭିଯୋଗରେ ପାକିସ୍ତାନ ବନ୍ଦୀ କରିବା ସହ ଏହାର ସାମରିକ ଅଦାଲତ ଯାଦବଙ୍କୁ ‘ତଥାକଥିତ ସ୍ବୀକାରୋକ୍ତି’ ଆଧାରରେ ମୃତ୍ୟୁଦଣ୍ଡାଦେଶ ଦେଇଛି। ଭାରତ ଆଇସିଜେରୁ ଏହା ଉପରେ ରହିତାଦେଶ ଆଣିଛି। ବୁଧବାର ଅପରାହ୍ଣ ୩ଟାରେ ଦି ହେଗ୍ସ୍ଥିତ ଆଇସିଜେ ଅଦାଲତରେ ଏକ ଖେଲା ଅଧିବେଶନରେ ଏହି ମାମଲାର ରାୟ ପ୍ରକାଶ କରିବ ବୋଲି ପୂର୍ବରୁ ସୂଚନା ଦିଆଯାଇଥିଲା। ମୁଖ୍ୟ ବିଚାରପତି ଅବଦୁଲକ୍ବାଇ ଅହମ୍ମଦ ୟୁଶୁଫ ରାୟ ଶୁଣାଇବେ ବୋଲି କୁହାଯାଇଥିଲା। ଏକ ୧୦ଜଣିଆ ପୀଠ ଏହି ମାମଲାର ଶୁଣାଣି କରୁଥିଲେ।
