ଜାମ୍ମୁ : ଜଣେ ୨୪ ବର୍ଷିୟା ମହିଳାଙ୍କ ସହ ବଳାତ୍କାର ଅଭିଯୋଗରେ ଜାମ୍ମୁ କାଶ୍ମୀରରେ ନିୟୋଜିତ ୩ ଜଣ ସିଆରପିଏଫ ଯବାନଙ୍କୁ ନିଲମ୍ବନ କରାଯିବା ସହ ସେମାନଙ୍କ ବିରୋଧରେ ମାମଲା ରୁଜୁ କରାଯାଇଛି । ସିଆରପିଏଫ ଶିବିରରେ ମହିଳାଙ୍କୁ ବନ୍ଧକ ରଖି ୩ ସିଆରପିଏଫ ଯବାନଙ୍କ ମଧ୍ୟରୁ ଜଣେ ବଳାତ୍କାର କରିଥିବା ଅଭିଯୋଗ ହୋଇଛି । ଏପରିକି ଅଭିଯୁକ୍ତମାନେ ଏହି ଘଟଣାର ଭିଡ଼ିଓ ଚିତ୍ର ଉତ୍ତୋଳନ କରି କାହାକୁ କହିଲେ ସାମାଜିକ ଗଣମାଧ୍ୟମରେ ଛାଡିଦେବେ ବୋଲି ଧମକ ଦେଇଥିଲେ ବୋଲି ମହିଳା ଜଣକ ଅଭିଯୋଗରେ ଦର୍ଶାଇଛନ୍ତି । ମହିଳାଙ୍କ ଘର ପୁଞ୍ଜ ଜିଲାରେ ଓ ଏନେଇ ସେ ଶନିବାର ଡୁମାନା ଥାନାରେ ଅଭିଯୋଗ କରିବା ପରେ ମାମଲା ରୁଜୁ ହୋଇଛି । ଏହି ଘଟଣାର ମାର୍ଚ୍ଚ ୧୦ର ବୋଲି କୁହାଯାଉଛି । ଘଟଣାର ତଦନ୍ତ ଚାଲିଛି ଓ ଅଭିଯୁକ୍ତ ୩ ଯବାନଙ୍କୁ ନିଲମ୍ବିତ କରାଯାଇଛି ବୋଲି ସିଆରପିଏଫ ମୁଖାପାତ୍ର ଆଶିଷ କୁମାର ଝା ସୂଚନା ଦେଇଛନ୍ତି ।
