ଡେଭିଡ୍ ଧୱନ୍ ଓ ପୁଅ ବରୁଣ ଧୱନ୍ ତୃତୀୟ ଥର ଏକତ୍ର କାମ କରିବାର ନିଷ୍ପତ୍ତି ନେଇଛନ୍ତି। ପୂର୍ବରୁ ଦୁହେଁ ‘ମେ ତୈରା ହିରୋ’, ‘ଜୁଡ଼ୱା-୨’ରେ କାମ କରିଛନ୍ତି। ନିର୍ଦେଶକ ଭାବେ ଡେଭିଡ୍ କହିଛନ୍ତି ସୁଟିଂ ସେଟରେ ପୁଅ ବରୁଣ ମୋତେ ଦେଖିଲେ ସଚେତନ ରହେ। ହେଲେ ମୁଁ ତାକୁ ସବୁବେଳେ ପରାମର୍ଶ ଦିଏ, କାମ କଲାବେଳେ ସମ୍ପର୍କ ଭୁଲି ବରଂ କାମକୁ ପ୍ରାଧାନ୍ୟ ଦେବା ଶ୍ରେୟସ୍କର। ପୁଅ ବରୁଣର କାମରେ ଆତ୍ମସନ୍ତୋଷ ପ୍ରକାଶ କରୁଥିବା ଡେଭିଡ୍ ପୁଣି ଏକ ନିଷ୍ପତ୍ତି ନେଇଛନ୍ତି।
ଏବେ ନିଜ ଆଗାମୀ ଚଳଚ୍ଚିତ୍ର ‘କଲଙ୍କ’ ପାଇଁ ବରୁଣ ବ୍ୟସ୍ତ ଅଛନ୍ତି। ଯଥାଶୀଘ୍ର ଏହାର ସୁଟିଂ ଶେଷ ହେଲେ ବରୁଣ ପିତାଙ୍କ ନିର୍ଦେଶିତ ଚଳଚ୍ଚିତ୍ରରେ କାମ ଆରମ୍ଭ କରିବେ ବୋଲି ଶୁଣାଯାଉଛି। ଏ ବାବଦରେ ବରୁଣ କହିଛନ୍ତି, ନିଜ ହୋମ୍-ପ୍ରଡକ୍ସନରେ କାମ କଲାବେଳେ ସେ ବେଶ୍ ଆଶ୍ବସ୍ତି ଅନୁଭବ କରନ୍ତି। ତେବେ କେତେକ ଦୃଶ୍ୟର ସୁଟିଂ ସମୟରେ ପିତା ଡେଭିଡଙ୍କ ସମ୍ମୁଖରେ ତାଙ୍କୁ ଅସହଜ ଲାଗେ। ନିକଟରେ ବରୁଣ ଅଭିନୀତ ‘ଅକ୍ଟୋବର’ ଚଳଚ୍ଚିତ୍ର ବିଭିନ୍ନ ମହଲରେ ପ୍ରଶଂସିତ ହୋଇଛି।
ବାପାଙ୍କ ସହ ପୁଣି କାମ କରିବେ ବରୁଣ
Popular Categories
Previous article
Next article