ଢେଙ୍କାନାଳ: ବୋମା ବିସ୍ଫୋରଣ ଘଟି ଗୋଟିଏ ପରିବାରର ୪ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସୂଚନାଯୋଗ୍ୟ, ଢେଙ୍କାନାଳ ଜିଲ୍ଲା ଗନ୍ଦିଆ ବ୍ଲକ ଝାରଦା ଗାଁରେ ହାତୀ ଘଉଡ଼ାଇବା ପାଇଁ ପୀତବାସ ନାମକ ଜଣେ ବ୍ୟକ୍ତିଙ୍କ ଘରେ ବୋମା ରଖାଯାଇଥିଲା । ସେହି ପରିବାର ଜଣେ ଶିଶୁ ଏହାକୁ ଜାଣି ନପାରି ଖେଳନା ଭାବି ହାତରେ ଗଡାଇ ଦେଇଥିଲା। ଫଳରେ ବୋମାଟି ଫାଟିଥିଲା । ଏଥିରେ ଉକ୍ତ ଶିଶୁ ସମେତ ଘରର ଅନ୍ୟ ତିନି ଜଣ ସଦସ୍ୟ ଆହତ ହୋଇଛନ୍ତି । ସେମାନଙ୍କ ମଧ୍ୟରେ ଜଣେ ବୃଦ୍ଧା ରହିଥିବା ଜଣାପଡିଛି । ଏହି ବିସ୍ଫୋରଣ ପୀତବାସ ମଧ୍ୟ ଆହତ ହୋଇଛନ୍ତି । ତାଙ୍କ ଅବସ୍ଥା ସଙ୍କଟାପନ୍ନ ରହିଥିବା ଜଣାପଡିଛି ।
