ଧାମରା : ଧାମରା ନିକଟସ୍ଥ ଦୋସିଙ୍ଗା ପଞ୍ଚାୟତରେ ନିର୍ବାଚନ ଅଧିକାରୀ ସାଧାରଣ ଜନତାଙ୍କୁ ଭୋଟ ଦେବାରୁ ବଞ୍ଚିତ କରିଥିବାରୁ ସାଧାରଣ ଜନତା ପୋଲିଂ ପାର୍ଟିକୁ ଅଟକ ରଖିଥିବା ଜଣାଯାଇଛି। ଖବରରୁ ପ୍ରକାଶ ରବିନ୍ଦ୍ରନଗରର ଭୋଟର ମାନସ ଜେନାଙ୍କ କ୍ରମିଙ୍କ ନଂ ୪୮୧ ବୋଲି କାଗଜରେ ଲିଖିତ ଥିବାବେଳେ ସଂପୃକ୍ତ ବ୍ୟକ୍ତି ଜଣକ ରବିନ୍ଦ୍ରନଗର ବିଦ୍ୟାଳୟକୁ ଭୋଟ ଦେବାକୁ ଯାଇଥିଲେ। ସେଠାରେ ଉପସ୍ଥିତ ନିର୍ବାଚନ ଅଧିକାରୀ ମାନସକୁ ଖାତାରେ ନାମ ନାହିଁ ବୋଲି କହି ଫେରାଇ ଦେଇଥିଲେ। ମାନସ ସେଠାରେ ଉପସ୍ଥିତ ଥିବା ଅନ୍ୟ ଲୋକ ମାନଙ୍କ ପାଖରେ ଅଭିଯୋଗ କରିବା ପରେ ସାଧାରଣ ଜନତା ଅଧିକାରୀଙ୍କ ପାଖରେ ଥିବା ଖାତା ଦେଖିଥିଲେ। ପରେ ସେଠାରେ ମାନସ ଜେନାଙ୍କ ନାମ ଥିବା ଦେଖିବାକୁ ମିଳିଥିଲା ମାତ୍ର ସମୟ ଅତିକ୍ରାନ୍ତ ହୋଇଯାଇଛି ବୋଲି କହି ନିର୍ବାଚନ ଅଧିକାରୀ ମାନସ ଏବଂ ସଂପୃକ୍ତ ଗ୍ରାମବାସୀଙ୍କ ଭୋଟ ଦାନରୁ ବଞ୍ଚିତ କରିଥିଲେ। ଏ ନେଇ ରବିନ୍ଦ୍ରନଗର ଏବଂ ଅମରନଗର ଗ୍ରାମବାସୀ ସଂପୃକ୍ତ ପୋଲିଂ ପାର୍ଟିକୁ ଅଟକାଇ ରଖିଥିଲେ।
Popular Categories
Previous article
Next article