ନୂଆଦିଲ୍ଲୀ: ଚଳିତ ଲୋକସଭା ନିର୍ବାଚନରେ ଅଧିକରୁ ଅଧିକ ମତଦାତାଙ୍କ ପାଖରେ ପହଂଚିବା ଉଦ୍ଦେଶ୍ୟରେ ରାଜନୈତିକ ଦଳଗୁଡିକ ବହୁ ପୂର୍ବରୁ ଜେଟ ବିମାନ ଏବଂ ହେଲିକପ୍ଟର ସବୁ ଭଡାରେ ଆଣିଥିବା ବେଳେ ବିଜେପି ଏ କ୍ଷେତ୍ରରେ ସବୁଠାରୁ ଆଗରେ ରହିଛି। କେନ୍ଦ୍ର ସରକାର ଦାୟିତ୍ୱରେ ଥିବା ବିଜେପି ନିର୍ବାଚନ ପ୍ରଚାର ପାଇଁ ୫୦ଟି ଜେଟ ଏବଂ ହେଲିକପ୍ଟର ବୁକ କରିଛି। ସମ୍ବାଦ ଭିତ୍ତିକ ସଂସ୍ଥା ବ୍ଲୁମବର୍ଗ ରିପୋର୍ଟ ଅନୁଯାୟୀ, କଂଗ୍ରେସର ନିର୍ବାଚନ ପ୍ରଚାରକୁ ପ୍ରତିହତ କରିବାକୁ ବିଜେପି ୩ମାସ ପୂର୍ବରୁ ଜେଟ-ହେଲିକପ୍ଟର ବୁକ କରି ସାରିଛି। କେବଳ ୧୦ଟି ହେଲିକପ୍ଟର କଂଗ୍ରେସ ବୁକ କରିଥିବା ଜଣାପଡିଛି।
ଘଣ୍ଟା ପ୍ରତି ଦେଢ଼ ଲକ୍ଷରୁ ୨ଲକ୍ଷ ଭଡା ପଡୁଥିବା ହେଲିକପ୍ଟର ସାଧାରଣତଃ ୪୫ ଦିନ ପାଇଁ ବୁକ କରାଯାଏ। ପ୍ରଥମେ ଆସନ୍ତୁ, ପ୍ରଥମେ ପାଆନ୍ତୁ ନୀତିରେ ଚାଲିଥିବା ହେଲିକପର ସଙ୍ଘ ନିର୍ବାଚନ ସମୟରେ ସେମାନଙ୍କ କ୍ଷତି ଭରଣା କରିଥାନ୍ତି ବୋଲି ଜଣାପଡିଛି। ମିଳିଥିବା ରିପୋର୍ଟ ଅନୁଯାୟୀ, ଅମିତ ଶହ ଗୋଟିଏ ଦିନରେ ସର୍ବାଧିକ ୭୨୪୨ କିଲୋମିଟର ହେଲିକପ୍ଟର ଗସ୍ତ କରିଛନ୍ତି।
