କଲମପୁର : କଳାହାଣ୍ଡି ଜିଲା ଥୁଆମୁଳ ରାମପୁର ଥାନା ଅଞ୍ଚଳରେ ଜନୈକା ନାବାଳିକା(୧୬) କୀଟନାଶକ ଓୌଷଧ ଖାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ସୂଚନା ଅନୁସାରେ, ଥୁଆମୁଳ ରାମପୁର ଥାନା ଅନ୍ତର୍ଗତ କର୍ଲାପାଟ(ଗୁଣପୁର) ଫାଣ୍ଡି ଅଧିନସ୍ଥ ଜନୈକା ବାଳିକାଙ୍କର କୌଣସି କାରଣରୁ ତାଙ୍କ ମାଁଙ୍କ ସହ ବଚସା ହେଇଥିଲା। ଏଥିରେ ଉତ୍କ୍ଷିପ୍ତ ହୋଇ ସୋମବାର ରାତିରେ ନାବାଳିକା ଜଣଙ୍କ କୀଟନାଶକ ଖାଇ ଦେଇଥିଲା। ମାତ୍ର ଏସମ୍ବନ୍ଧରେ ବଳିକାଙ୍କ ମାଁ ଜାଣି ପାରିନଥିଲେ। ସକାଳେ ଏନେଇ ଜାଣିବା ପରେ ମାଁ ତୁରନ୍ତ ଏକ ଗାଡ଼ି ଯୋଗାଡ ପାଇଁ ପ୍ରୟାସ କରିଥିଲେ ମଧ୍ୟ କୌଣସି ଗାଡ଼ିର ବ୍ୟବସ୍ଥା ହୋଇ ପାରିନଥିଲା। ଶେଷରେ ୧୦୮ ଆମ୍ବୁଲାନ୍ସ ଯୋଗେ ଭବାନିପାଟଣା ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ବାଳିକାର ମୃତ୍ୟୁ ଘଟିଥିଲା। ଏନେଇ ସୂଚନା ପାଇବା ପରେ ଏକ ଅପମୃତ୍ୟୁ ଜନିତ ମାମଲା ରୁଜୁ କରି ଫାଣ୍ଡି ଅଧିକାରୀ କାହ୍ନୁଚରଣ ପଣ୍ଡା ମୁଖ୍ୟ ଚିକିତ୍ସାଳୟ ଯାଇ ମୃତଦେହ ଜବତ କରିଥିଲେ। ପରବର୍ତ୍ତି ସମୟରେ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତରିତ କରି ଘଟଣାର ତଦନ୍ତ ଜାରି ରଖିଛନ୍ତି।
Comments are closed.