ଅମେଠୀ..- ଅମେଠୀରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଲୋକସଭା ନିର୍ବାଚନ ଲଢିବେ । ତାଙ୍କର ଭଉଣୀ ପ୍ରିୟଙ୍କା ଗାନ୍ଧି ଉତ୍ତରପ୍ରଦେଶର ପୂର୍ବାଞ୍ଚଳରେ ନିର୍ବାଚନ ଦାୟୀତ୍ୱର ରହିଛନ୍ତି । ରାହୁଲ ଗାନ୍ଧି ପୁରା ଦେଶରେ କଂଗ୍ରେସ ପାଇଁ ପ୍ରଚାର କରୁଛନ୍ତି । ମାତ୍ର ରାହୁଲଙ୍କ ନିର୍ବାଚନ ମଣ୍ଡଳୀରେ ତାଙ୍କର ନିଜ ଖୁଡୀ ମେନକା ଗାନ୍ଧି ତାଙ୍କ ବିପକ୍ଷରେ ନିର୍ବାଚନ ପ୍ରଚାର କରିବେ ବୋଲି କହିଛନ୍ତି । ମେନକାଙ୍କୁ ବିଜେପି ରାହୁଲଙ୍କ ନିର୍ବାଚନ ମଣ୍ଡଳୀ ଅମେଠୀକୁ ଲାଗିକରି ଥିବା ସୁଲତାନପୁରରୁ ଲୋକସଭା ପ୍ରାର୍ଥୀ କରିଛି । ରାହୁଲଙ୍କ ଦାଦାଙ୍କ ପୁଅ ବରୁଣ ଗାନ୍ଧୀଙ୍କୁ ବିଜେପି ପିଲିଭୀତରୁ ପ୍ରାର୍ଥୀ କରିଛି ।
ଦଳ ଅମେଠୀକୁ ପଠାଇଲେ ସେ ରାହୁଲ ଗାନ୍ଧିଙ୍କ ବିରୋଧରେ ପ୍ରଚାର କରିବେ ବୋଲି ମେନକା ସୂଚନା ଦେଇଛନ୍ତି । ଶନିବାରରେ ମେନକା ଗନ୍ଧୀ ସୁଲତାନପୁର ଗସ୍ତ କରିଛନ୍ତି ।କାର୍ଯ୍ୟକର୍ତ୍ତାମାନଙ୍କୁ ସମ୍ବୋନ୍ଧିତ କରିବା ପାଇଁ ବିଜୟ ଲାଭକରିବେ ବୋଲି କହିଛନ୍ତି । ସୁଲତାନପୁର ସହ ତାଙ୍କ ପତିଙ୍କର ପୁରୁଣା ସମ୍ପର୍କ ଥିଲା ବୋଲି ସେ କହିଛନ୍ତି । ପୂର୍ବରୁ ବରୁଣ ଗାନ୍ଧି ଏଠାରୁ ବିଜୟ ଲାଭ କରିଥିଲେ । ବରୁଣ ଏହି ନିର୍ବାଚନ ମଣ୍ଡଳୀ ପାଇଁ ଅନେକ କିଛି କରିଛନ୍ତି ବୋଲି ମେନକା କହିଛନ୍ତି ।
