ପୁଡୁଚେରୀ .- ସାଧାରଣ ନିର୍ବାଚନ ୨୦୧୯ ପୂର୍ବରୁ ଏବେ ଦେଶର ବିଭିନ୍ନ ସ୍ଥାନରୁ ପୁଳା ପୁଳା ଟଙ୍କା ଜବତ କରାଯାଉଛି । ପୁଡୁଚେରୀରେ ପୁଲିସ ଏକ କୋଟି ୮୬ ଲକ୍ଷ ଟଙ୍କା ଜବତ କରିଛି । ଲୋକସଭା ନିର୍ବାଚନ ପାଇଁ ପୁଲିସ ବିଭିନ୍ନ ସ୍ଥାନରେ ଗାଡି ଯାଞ୍ଚ କରୁଛି ।
ଏହି ସମୟରେ ଏକ ଗାଡିରୁ ପ୍ରଚୁର ପରିମାଣରେ ଟଙ୍କା ମିଳିଥିଲା । ପରେ ଏହା ଏକ କୋଟି ୮୬ ଲକ୍ଷ ଟଙ୍କା ଜଣା ପଡିଥିଲା । ଗାଡିର ମାଲିକ ଏତେ ପରିମାଣର ଟଙ୍କା କେଉଁଠାରୁ ଆଣିଲେ ତାହାର ସୂଚନା ଦେଇ ପାରି ନ ଥିଲେ । ପୁଡୁଚେରୀର ଗ୍ରାଣ୍ଡବଜାର ଅଞ୍ଚଳରୁ ଏହି ଟଙ୍କା ଜବତ କରାଯାଇଛି । ପରେ ଆୟକର ବିଭାଗକୁ ଏହି ଟଙ୍କା ବିଷୟରେ ସୂଚନା ଦିଆଯାଇଛି ।
