ମ୍ୟୁନିକ ..- ଜର୍ମାନର ମ୍ୟୁନିକରେ ଭାରତୀୟ ଦମ୍ପତିଙ୍କୁ ଛୁରିରେ ଆକ୍ରମଣ କରାଯାଇଥିବା ସୂଚନା ମିଳିଛି । ଏଥିରେ ସ୍ୱାମୀଙ୍କର ମୃତ୍ୟୁ ହୋଇଥିବା ବେଳେ ସ୍ତ୍ରୀ ଗୁରୁତର ହୋଇଛନ୍ତି । ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ଏ ନେଇ ଟ୍ୱିଟ କରିଛନ୍ତି ।
ପ୍ରଶାନ୍ତ ବସାରୁର ନାମକ ଭାରତୀୟ ବଂଶୋଦ୍ଭବଙ୍କୁ ବର୍ଷେ ତଳେ ଜର୍ମାନର ନାଗରିକତ୍ୱ ମିଳିଥିଲା । ତାଙ୍କ ଘର ନିକଟଚରେ ଥିବା ଗୁଏନାର ଜଣେ ବ୍ୟକ୍ତିଙ୍କ ସହ ପ୍ରଶାନ୍ତଙ୍କର ଯୁକ୍ତିତର୍କ ହୋଇଥିଲା । ଏହାପରେ ଗୁଏନାର ଏହି ବ୍ୟକ୍ତି ଜଣଙ୍କ ପ୍ରଶାନ୍ତ ଓ ତାଙ୍କ ସ୍ତ୍ରୀ ସ୍ମିତାଙ୍କୁ ଛୁରିରେ ଆକ୍ରମଣ କରିଥିଲା । ପ୍ରଶାନ୍ତଙ୍କ ଶରୀରର ବିଭିନ୍ନ ସ୍ଥାନକୁ ଛୁରିରେ ଭୁଷି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ବେଳେ ସ୍ମିତା ଗୁରୁତର ହୋଇଛନ୍ତି । ଏହାପରେ ସଠାରେ ଥିବା ଅନ୍ୟ ଲୋକ ପୁଲିସକୁ ଖବର ଦେଇଥିଲେ । ପୁଲିସ ଘଟଣାସ୍ଥଳରେ ପହ଼ଞ୍ଚି ଆକ୍ରମଣକାରୀକୁ ଗିରଫ କରିଛି । ପ୍ରଶାନ୍ତଙ୍କ ଦୁଇଟି ସନ୍ତାନ ଅଛନ୍ତି । ଏବେ ସେଠାରେ ଥିବା ଭାରତୀୟ ଦୂତାବାସର ଅଧିକାରୀଙ୍କୁ ସେହି ଦୁଇ ପିଲାଙ୍କ ଦାୟୀତ୍ୱ ନେବା ପାଇଁ ଭାରତସରକାର ନିର୍ଦେଶ ଦେଇଛନ୍ତି । ପ୍ରଶାନ୍ତ ଭାଇଙ୍କୁ ଜର୍ମାନ ପଠାଇବା ପାଇଁ ବ୍ୟବସ୍ଥା କରାଯାଉଥିବା କେନ୍ଦ୍ର ମନ୍ତ୍ରୀ ସୁଷମା ସ୍ୱରାଜ ସୂଚନା ଦେଇଛନ୍ତି ।
Indian couple Prashant and Smita Basarur were stabbed by an immigrant near Munich. Unfortunately, Prashant has expired. Smita is stable. We are facilitating the travel of Prashant’s brother to Germany. My heartfelt condolences to the bereaved family. /1
— Chowkidar Sushma Swaraj (@SushmaSwaraj) March 30, 2019
