ହିନ୍ଦୁ ଧର୍ମରେ ସପ୍ତାହର ସାତ ଦିନ ଯେକୌଣସି ଦେବଦେବୀଙ୍କ ନିମନ୍ତେ ସମର୍ପିତ। ଏହିପରି ମଙ୍ଗଳବାର ପ୍ରଭୁ ହନୁମାନଙ୍କୁ ସମର୍ପିତ କରାଯାଇଛି। ଏହି ଦିନ ଶ୍ରୀରାମ ଭକ୍ତ ହନୁମାନଙ୍କୁ ଖୁବ ଶ୍ରଦ୍ଧାର ସହ ପୂଜା କରାଯାଇଥାଏ। ଏହି ଦିନ ବ୍ରତ କରିବା ଦ୍ବାରା ଭକ୍ତଙ୍କ ସମସ୍ତ ଦୁଃଖକଷ୍ଟ ଦୂର ହୋଇଥାଏ। ପୌରାଣିକ ମାନ୍ୟତା ଅନୁଯାୟୀ, ମଙ୍ଗଳବାର ଦିନ କେବେ ବି ଆମିଷ ଭକ୍ଷଣ କରିବା ଉଚିତ ନୁହେଁ। ଶାସ୍ତ୍ରରେ ମଙ୍ଗଳବାର, ଗୁରୁବାର ଓ ଶନିବାରକୁ ପବିତ୍ର ଦିନ କୁହାଯାଇଛି। ଏହି ତିନୋଟି ବାରରେ ଆମିଷ ସେବନ କରିବା ଉଚିତ ନୁହେଁ।
ପୌରାଣିକ ମାନ୍ୟତା ଅନୁଯାୟୀ, ଦେବାଦେବୀଙ୍କୁ ସମର୍ପିତ କରାଯାଇଥିବା ଦିନ ଗୁଡିକ ଅତ୍ୟନ୍ତ ପବିତ୍ର। ବ୍ରାହ୍ମଣମାନଙ୍କ ଇଚ୍ଛା ଥିଲା ଯେ, କିଛି ଦିନ ଗୁଡିକରେ ବ୍ୟକ୍ତିମାନେ ନିରାମିଷ ଖାଇବା ଉଚିତ। ଏହାଦ୍ବାରା ସେମାନେ ଶୁଦ୍ଧ ରହିପାରିବେ। ତେଣୁ ମଙ୍ଗଳବାର ଦିନ ପ୍ରଭୁ ହନୁମାନଙ୍କ ବାର ରହୁଥିବାରୁ ବ୍ୟକ୍ତିମାନେ ଆମିଷ ଖାଇବା ଉଚିତ ନୁହେଁ। ସେହିପରି ଗୁରୁବାର ମା’ ଲକ୍ଷ୍ମୀଙ୍କ ବାର ଓ ଶନିବାର ଶନିଦେବଙ୍କ ବାର ରହୁଥିବାର ଆମିଷ ଖାଇବା ବର୍ଜନୀୟ। ଏହାକୁ ମାନି ଚଳିବା ଦ୍ବାରା ପ୍ରତ୍ୟେକ ବ୍ୟକ୍ତି ଜୀବନରେ ସୁଖଶାନ୍ତି ଓ ଧନ-ସମ୍ପତ୍ତି ପ୍ରାପ୍ତି ହୋଇଥାଏ।
