ନୂଆଦିଲ୍ଲୀ : ଗୁଜରାଟ ପଟିଦାର ସମୁଦାୟ ନେତା ହାର୍ଦ୍ଧିକ ପଟେଲ ବହୁଶୀଘ୍ର କଂଗ୍ରେସରେ ଯୋଗ ଦେବାକୁ ଯାଉଛନ୍ତି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଉପସ୍ଥିତିରେ ହାର୍ଦ୍ଧିକ ପଟେଲ ମାର୍ଚ୍ଚ ୧୨ ତାରିଖରେ କଂଗ୍ରେସରେ ଯୋଗ ଦେଇପାରନ୍ତି। ମିଳିଥିିବା ସୂଚନା ଅନୁସାରେ ହାର୍ଦ୍ଧିକ ପଟେଲ ଗୁଜରାଟର ଜାମନଗର ଲୋକସଭା ଆସନରୁ ନିର୍ବାଚନ ଲଢିପାରନ୍ତି।
ସୂଚନାଯୋଗ୍ୟ ଯେ ବର୍ତ୍ତମାନ ଜାମନଗରରୁ ବିଜେପିର ପୁନମବେନ ସାସଂଦ ରହିଛନ୍ତି। ଅହମଦାବାଦରେ କଂଗ୍ରେସ କାର୍ଯ୍ୟକାରିଣି ବୈଠକ ଅବସରରେ ହାର୍ଦ୍ଧିକ କଂଗ୍ରେସରେ ଯୋଗ ଦେଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରାଜ୍ୟ ଗୁଜରାଟରେ ଶାସନକୁ ଆସିବା ପାଇଁ କଂଗ୍ରେସ ଲକ୍ଷ୍ୟ ରଖିଛି। ଗୁଜରାଟ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି ଓ କଂଗ୍ରେସ ମଧ୍ୟରେ କଡା ଟକ୍କର ହୋଇଥିଲା।
