ନୂଆଦିଲ୍ଲୀ : ମାନବିକତାକୁ ଉଲଂଘନ କରିଗଲେ ମଣିଷ। ଯାହା ଶୁଣିଲେ ଆପଣଙ୍କ ଲୋମଟାଙ୍କରି ହୋଇଉଠିବ। ରାଜସ୍ଥାନ ଭିଲଓ୍ବାଡା ଜିଲ୍ଲା ବିଜୌଲିଆ ଉପଖଣ୍ଡର ଖେଡା ରୋଡ୍ ସ୍ଥିତ ସୀତାକୁଣ୍ଡ ଜଙ୍ଗଲରେ ଘଟିଥିବା ଘଟିଣା ଏବେ ଚର୍ଚ୍ଚା ର କେନ୍ଦ୍ର ବିନ୍ଦୁ ପାଲଟିଛି। ୧୦-୧୨ ଦିନର କଅଁଳା ଶିଶୁର ମୁହଁରେ ଫେବିକ୍ଵିକ୍ ମାରି ପଥର ତଳେ ପୋତି ଦେଇଛନ୍ତି କିଛି ନୃଶଂସ ମଣିଷ।
ହେଲେ କଥାରେ ଅଛି ରଖେ ହରି ତ ମାରେ କିଏ । କିଛି ଗାଇ ଜଗାଳି ଗାଇ ଚରାଇବା ଲାଗି ଜଙ୍ଗଲକୁ ଯାଇଥିଲେ। ଏତିକି ବେଳେ ଜଙ୍ଗଲରେ କିଛି ଶଦ୍ଦ ଶୁଣି କାନେଇ କାନେଇ ଠିକଣା ଜାଗାକୁ ଯାଇ ପହଞ୍ଚିଥିଲେ। ଆଉ ତା ପରେ ଯାହା ଦେଖି , ତାହା ତାଙ୍କ ହୋସ୍ ଉଡାଇ ଦେଇଥିଲା। କେହି ଦୁର୍ବୁତ୍ତ ଏକ ୧୦-୧୨ ଦିନର ଶିଶୁର ମୁହଁରେ ଫେବିକ୍ଵିକ୍ ଲଗାଇ ପଥର ତଳେ ପୋତି ଦେଇଛନ୍ତି। ଏହାଦେଇ ଗାଇ ଚରାଳୀମାନେ ପାଖ ଗାଁ ଲୋକଙ୍କୁ ଡାକିବା ସହ ପୁଲିସ୍ କୁ ଖବର ଦେଇଥିଲେ। ଗ୍ରାମବାସୀ ଏବଂ ପୁଲିସ୍ ଘଟଣାସ୍ଥଳରେ ପହଞ୍ଚି ତୁରନ୍ତ ଶିଶୁଟିକୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ। ପୁଲିସ୍ ଏହି ଘଟଣାରେ ଅଧିକ ତଦନ୍ତ ଜାରି ରଖିଛି।
