ମୁମ୍ବଇ : କାର୍ତ୍ତିକ ଆର୍ଯ୍ୟନ୍-କୃତି ସାନୋନଙ୍କ ଅଭିନୀତ ଚଳଚ୍ଚିତ୍ର ‘ଲୁକା ଛୁପି’ ଶୁକ୍ରବାର(୧ ମାର୍ଚ୍ଚ) ମୁକ୍ତିଲାଭ କରିଛି। ଲକ୍ଷ୍ମଣ ଉତେକରଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ଏକ ରୋମାଣ୍ଟିକ୍ କମେଡ଼ି ଡ୍ରାମା ଭିତ୍ତିକ ଚଳଚ୍ଚିତ୍ର। ଟ୍ରେଡ଼ ଏକ୍ସପର୍ଟଙ୍କ କହିବା ଅନୁସାରେ, ଚଳଚ୍ଚିତ୍ର ପ୍ରଥମ ଦିନରେ ୬-୮ କୋଟି ଟଙ୍କା ଆୟ କରିପାରେ।
କାର୍ତ୍ତିକ ଓ କୃତିଙ୍କ ବ୍ୟତୀତ ଏଥିରେ ପଙ୍କଜ ତ୍ରିପାଠୀ, ଅପାରଶକ୍ତି ଖୁରାନା ଓ ବିନୟ ପାଠକ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଚଳଚ୍ଚିତ୍ରକୁ ୩୦୦୦ ପରଦାରେ ମୁକ୍ତିଲାଭ କରାଯାଇଛି ଓ ଏହାର ବଜେଟ୍ ପ୍ରାୟ ୨୦ କୋଟି ରହିଛି। ଏହାକୁ ଲୋକଙ୍କର ଭଲ ପ୍ରତିକ୍ରିୟା ମିଳୁଥିବା ଯୋଗୁଁ ବକ୍ସ ଅଫିସରେ ଉଲ୍ଲେଖନୀୟ ବ୍ୟବସାୟ କରିବ ବୋଲି ଆଶା କରାଯାଉଛି।
