ହରଭଙ୍ଗା : ସକାଳ ପାଇଲେ ପେଟ ଚାଖଣ୍ତ କଥା ଚିନ୍ତା କରୁ କରୁ ଦିନ ସରିଯାଏ। ତଥାପି ତିନି ପୁଅ, ଝିଅ ପତ୍ନୀକୁ ନେଇ ୫ ପ୍ରାଣୀକୁଟୁମ୍ବ ହସଖୁସିରେ ଜୀବନ ବିତାଉଥିଲେ। ମାତ୍ର ପତ୍ନୀ ବର୍ତମାନ ଏକ ଅଜଣା ରୋଗରେ ଆକ୍ରାନ୍ତ। ଗତ ଏକମାସ ତଳେ ପତ୍ନୀଙ୍କ ଗୋଡ଼ରେ ସାଧାରଣ ଛୋଟ ଘାଟିଏ ହୋଇଥିଲା। ଘା ଧୀରେ ଧୀରେ ବଢ଼ିବା ସହିତ ଭଲ ହେଉନାହିଁ। ଶେଷରେ ପତ୍ନୀ ଏବେ ଚାଲିବୁଲି ନପାରି ଖଟିଆରେ ପଡି କଷ୍ଟରେ ଛଟପଟ ହେଉଛନ୍ତି। ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଛତ୍ରଙ୍ଗ ପଞ୍ଚାୟତ ବଳଦମୁଣ୍ଡା ସାହିର ସ୍ୱାମୀ କୃଷ୍ନ ମୁଖିଙ୍କ ପତ୍ନୀ ମଞ୍ଜୁ ମୁଖିଙ୍କ କ୍ଷେତ୍ରରେ। ପରିବାର କହିଲେ ଛୋଟଛୋଟ ୩ଟି ପୁଅଝିଅ ସାଙ୍ଗକୁ ସ୍ତ୍ରୀ ମଞ୍ଜୁ ମୁଖୀଙ୍କୁ ନେଇ। ସ୍ୱାମୀ, ସ୍ତ୍ରୀ ମୁଲ ମଜୁରୀ କଲେ ଚୁଲି ଜଳେ। ଗୋଡ଼ ଘା ଭଲ ହେଉନଥିବାରୁ ପତ୍ନୀ ଏବେ ଶଯ୍ୟାଶାୟୀ। ଗୋଟିଏ ପଟେ ପିଲାଛୁଆଙ୍କ ଚିନ୍ତା ଅନ୍ୟପଟେ ପତ୍ନୀର ଚିକିତ୍ସା ଚିନ୍ତାରେ ସ୍ୱାମୀ କୃଷ୍ଣ ପୁରା ଭାଙ୍ଗିପଡିଲେଣି। ଦିନ ତମାମ ସ୍ତ୍ରୀ ପିଲା ଛୁଆଙ୍କ ସେବାରେ ନିଜକୁ ନିୟୋଜିତ କରି ଚାଲି ଥିବାବେଳେ କାମଧନ୍ଦା କରିବାରେ ଅସମର୍ଥ ହୋଇ ପଡିଛନ୍ତି କୃଷ୍ଣ। ଏଭଳି ଅବସ୍ଥାରେ ପରିବାରର ଅବସ୍ଥା ଦେଖି ତୁରନ୍ତ ସରକାର ଚିକିତ୍ସା ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି । ଏ ଦିଗରେ ଜିଲ୍ଲାପାଳ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହେଉଛି।
୬୦ ହଜାରରୁ ବି କମ୍; ଜବରଦସ୍ତ ରେଞ୍ଜ, ଲଞ୍ଚ ହେଲା ସବୁଠାରୁ ଶସ୍ତା ଇଲେକ୍ଟ୍ରିକ୍ ସ୍କୁଟର..
ଦେଖନ୍ତୁ ଭିଡିଓ .. ବ୍ୟକ୍ତିଙ୍କ ପାଗଳାମି; ପ୍ରଖର ପାଣି ସୁଅରେ ନେଲେ ଟ୍ରାକ୍ଟର, ତା’ପରେ
