ରେଙ୍ଗାଲିକ୍ୟାମ୍ପ: ଆନ୍ତର୍ଜାତୀୟ ଯୋଗ ଦିବସ ଅବସରରେ ଅତାବିରାର ବିଭିନ୍ନ ସରକାରୀ, ବେସରକାରୀ ଶିକ୍ଷା ଅନୁଷ୍ଠାନ ତଥା ସାମାଜିକ ଅନୁଷ୍ଠାନଗୁଡିକରେ ଯୋଗ ପ୍ରଶିକ୍ଷଣ ତଥା ଯୋଗାଭ୍ୟାସର ଉପକାରିତା ଉପରେ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। ଅତାବିରା ଏନଏସି ସ୍ଥିତ ଇଣ୍ଡୋର୍ ଷ୍ଟାଡିୟମରେ ବ୍ଲକ ଓ ଏନଏସିକୁ ନେଇ ଗୋଷ୍ଠୀ ଉନ୍ନୟନ ଅଧିକାରୀ ରୀପୁନାଥ ସୁନାଙ୍କ ଅଧ୍ୟକ୍ଷତାରେ ଆନ୍ତର୍ଜାତୀୟ ଯୋଗ ଦିବସ ଅନୁଷ୍ଠିତ ହୋଇଥିଲା। ଏଥିରେ ଏନଏସି କାର୍ଯ୍ୟ ନିର୍ବାହୀ ଅଧିକାରୀ ନରେନ୍ଦ୍ର ପ୍ରଧାନ, ତହସିଲଦାର କେ ରିଚି କୁମାର, ପଞ୍ଚାୟତ ଅଧିକାରୀ ମହମ୍ମଦ ଆକବର, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଗିରିନ୍ଦ୍ର ସାହୁଙ୍କ ବ୍ୟତୀତ ଉଭୟ କାର୍ଯ୍ୟାଳୟର ୩୦୦ରୁ ଉର୍ଦ୍ଧ୍ବ କର୍ମଚାରୀ, ୧୫୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଯୋଗ ଦେଇ ଯୋଗାଭ୍ୟାସ କରିଥିଲେ। ଟାଙ୍ଗର ପାଲି ସନ୍ତିବନ୍ ଆଶ୍ରମର ଯୋଗ ଗୁରୁ ନାରଦାନନ୍ଦ ସରସ୍ଵତୀ ଯୋଗ ଶିକ୍ଷା ଦେଇଥିଲେ।
ସେହିପରି ଅତାବିରା ବ୍ଲକ ପାହାର ଶ୍ରିଗୀଡା ସ୍ଥିତ ଲାଲ ଡୋଲେଶ୍ୱରୀ ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ, ଅତାବିରା ମହାବିଦ୍ୟାଳୟ ଓ ଲାଦରପାଲି ସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଠାରେ ଅନ୍ତର୍ଜାତୀୟ ଯୋଗ ଦିବସ ପାଳନ ହୋଇଥିଲା।
