ଅହମଦାବାଦ : ଅହମଦାବାଦ ବିମାନ ଦୁର୍ଘଟଣାରେ ଅନେକ ମୂଲ୍ୟବାନ୍ ଜୀବନ ଚାଲି ଯାଇଛି । ଏଥିରେ କେବଳ ଜଣେ ବ୍ୟକ୍ତିଙ୍କ ଜୀବନ ସୌଭାଗ୍ୟବଶତଃ ବଞ୍ଚି ଯାଇଛି । ବିମାନରେ ଯାତ୍ରା କରୁଥିବା ଅନେକ ଯାତ୍ରୀଙ୍କ କାହାଣୀ ହୃଦୟକୁ ବିଚଳିତ ସହ ମର୍ମାହତ କରୁଛି । ପାୟଲ ଖଟୀକ ନାମରେ ଜଣେ ଯୁବତୀଙ୍କ ଏହି ବିମାନ ଦୁର୍ଘଟଣାରେ ମୃତ୍ୟୁ ଘଟିଛି । ପାୟଲଙ୍କ ବାପା ଜଣେ ରିକ୍ସା ଚାଳକ ବୋଲି ଜଣାପଡିଛି । ସେ ରିକ୍ସା ଚଲାଇ ନିଜ ଝିଅକୁ ପାଠ ପଢାଇଥିଲେ । ପାୟଲ କାମ କରୁଥିବା କମ୍ପାନୀର କୌଣସି କାମ ପାଇଁ ଲଣ୍ଡନ ଯାଉଥିଲେ । ମାତ୍ର ଗତକାଲି ବିମାନ ଦୁର୍ଘଟଣା କାରଣରୁ ତାଙ୍କ ଜୀବନ ଚାଲି ଯାଇଛି ।
ଗୁଜରାଟର ଅହମଦାବାଦରୁ ଲଣ୍ଡନ ଯାଉଥିବା ଏୟାର ଇଣ୍ଡିଆ ବିମାନ ଏଆଇ-୧୭୧ ଗୁରୁବାର ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ପ୍ରାୟ ୨୪୨ ଯାତ୍ରୀଙ୍କ ମୃତ୍ୟୁ ହୋଇ ସାରିଛି । ମାତ୍ର ଜଣେ ବ୍ୟକ୍ତିଙ୍କ ଜୀବନ ବଞ୍ଚି ଯାଇଛି ।
ପାୟଲ ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିଲେ । ସେ କମ୍ପାନୀ ପକ୍ଷରୁ ଲଣ୍ଡନ ଯାଉଥିଲେ । ପ୍ରଥମ ଥର ବିମାନରେ ଯାଉଥିଲେ । ପାୟଲଙ୍କ ବାପା ସୁରେଶଭାଇ ଖଟୀକ ରିକ୍ସା ଚଲାଇ ଝିଅକୁ ପାଠ ପଢାଇଥିଲେ । ସେ ଖୁବ୍ ଚେଷ୍ଟା କରି ଚାକିରିରେ ସଫଳତା ପାଇଥିଲେ ।
ଝିଅର ସ୍ୱପ୍ନ ପୂରଣ ହେଉଥିବା ଦେଖୁଥିଲେ । ମାତ୍ର ଅଧାରେ ରହିଗଲା ସବୁକିଛି । ଲକ୍ଷ୍ୟସ୍ଥଳରେ ପହଞ୍ଚିବା ପୂର୍ବରୁ ବିମାନ ଦୁର୍ଘଟଣାରେ ଚାଲିଗଲା ପାୟଲଙ୍କ ଜୀବନ । ଭୟଙ୍କର ଦୁର୍ଘଟଣା ବିଷୟରେ ଜାଣି ପରିବାର ଲୋକେ ସ୍ତବ୍ଧ ହୋଇ ଯାଇଛନ୍ତି । ଶୋକର ଛାୟା ଖେଳିଯାଇଛି । କେହି ମଧ୍ୟ ପାୟଲଙ୍କ ମୃତ୍ୟୁକୁ ସହଜରେ ଗ୍ରହଣ କରି ପାରୁ ନାହାଁନ୍ତି ।
ପୁଣି ଭାଙ୍ଗିଲା ସବୁ ରେକର୍ଡ; ସୁନା ଦାମ୍ ଟପିଲା ଲକ୍ଷେ ଟଙ୍କା, ଏକାଥରେ ବଢିଲା ଏତେ
