ପୁଲିସ ପ୍ରଶିକ୍ଷଣ ସମୟରେ ମହୁମାଛି ଆକ୍ରମଣ, ଟିଆଇଙ୍କ ମୃତ୍ୟୁ

ଭୋପାଳ : ମଧ୍ୟପ୍ରଦେଶର ଉଜ୍ଜୟିନୀ ରାଜ୍ୟ ପୁଲିସ ଟ୍ରେନିଂ ସେଣ୍ଟରରେ ବୁଧବାର ଚକିତ କରିଦେବା ଭଳି ଘଟଣା ସାମ୍ନାକୁ ଆସିଛି । ଏଠାରେ ମହୁମାଛି ଆକ୍ରମଣରେ ୫-୬ ଜଣ ପୁଲିସ ଅଧିକାରୀ ଆହତ ହୋଇଛନ୍ତି । ଘଟଣାରେ ଜଣେ ଟିଆଇଙ୍କ ମୃତ୍ୟୁ ହେବା ସହ ୫ ଜଣ ଆହତ ହୋଇଛନ୍ତି । ଆହତଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ସୂଚନା ମିଳିବା ପରେ ବରିଷ୍ଠ ଅଧିକାରୀ ହସ୍ପିଟାଲ ପହଞ୍ଚି ଘଟଣାର ଯାଞ୍ଚ କରିଛନ୍ତି ।

ପାର୍କିଂ ନିକଟରେ ଏକ ଗଛରେ ମହୁମାଛି ବସା କରିଥିଲେ । ଟ୍ରେନିଂ ସମୟରେ ଝଡ ତୋଫାନ ହେବାରୁ ମହୁମାଛି ବସା କ୍ଷତିଗ୍ରସ୍ତ ହୋଇଥିଲା । ଏହା ପରେ ମହୁମାଛିମାନେ ଉପସ୍ଥିତ ପୁଲିସ ଅଧିକାରୀଙ୍କୁ ଆକ୍ରମଣ କରି ଗୁରୁତର କରିଦେଇଥିଲେ । ଏହାପରେ ସେଠାରେ ଦୌଡାଦୌଡିରେ କିଛି ଆହତ ହୋଇଥିଲେ । ଆହତଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସା ସମୟରେ ଇନ୍ସପେକ୍ଟର ଧୁର୍ବେଙ୍କ ମୃତ୍ୟୁ ହୋଇଥିଲା ।

୬ରୁ ଉତ୍କଳ ବିଲ୍ଡର୍ସର ‘ଉତ୍କଳ ଗ୍ରାଣ୍ଡ ପ୍ରପର୍ଟି ସେଲ୍ କାର୍ଣ୍ଣିଭାଲ୍’