ଶ୍ରୀନଗର : ଜମ୍ମୁ-କାଶ୍ମୀର ପୁଞ୍ଚ୍ରେ ୧୩ ଭାରତୀୟ ନାଗରିକଙ୍କ ଗୁଳିମାଡରେ ମୃତ୍ୟୁ ଘଟିଛି । ପାକିସ୍ତାନ ସେନା ଅସ୍ତ୍ରବିରତି ଉଲ୍ଲଙ୍ଘନ କରି ଗୁଳି ଚଲାଇବାରୁ ଏମାନଙ୍କ ମୃତ୍ୟୁ ହୋଇଥିବା ବେଳେ ଆଉ ୫୯ ଜଣ ସାଧାରଣ ନାଗରିକ ଆହତ ହୋଇଛନ୍ତି। ଏନେଇ ଗୁରୁବାର ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି । ଗତକାଲି ରାତିରେ, ଭାରତୀୟ ସେନା ଜମ୍ମୁ କାଶ୍ମୀରରେ ନିୟନ୍ତ୍ରଣ ରେଖା ପାଖରେ ପାକିସ୍ତାନ ସେନା ଦ୍ୱାରା ଗୁଳିମାଡ଼ର ପ୍ରଭାବଶାଳୀ ଜବାବ ଦେଇଥିଲା।
ସୂତ୍ର ଅନୁଯାୟୀ ପାକିସ୍ତାନ ସେନା କୁପୱାରା, ବାରାମୁଲ୍ଲା, ଉରି ଏବଂ ଅଖନୁର ଅଞ୍ଚଳର ନିୟନ୍ତ୍ରଣ ରେଖା ଦେଇ ଗୁଳିମାଡ଼ କରିଥିଲା ଏବଂ ଭାରତୀୟ ସେନା ତୁରନ୍ତ ଏହାର ଜବାବ ଦେଇଥିଲା। ଭାରତୀୟ ସଶସ୍ତ୍ର ବାହିନୀ ଅପରେସନ ସିନ୍ଦୂର ଅଧୀନରେ ପାକିସ୍ତାନ ଏବଂ ପାକ୍ ଅଧିକୃତ ଜମ୍ମୁ କାଶ୍ମୀରରେ ନଅଟି ଆତଙ୍କବାଦୀ ଘାଟି ଉପରେ ଆକ୍ରମଣ ଆରମ୍ଭ କରିବାର ପରେ ଏହି ଉତ୍ତେଜନା ପ୍ରକାଶ ପାଇଛି।
- Advertisement -
