ବେଙ୍ଗାଲୁରୁ : ମୋବାଇଲ୍ରେ ଲାଉଡସ୍ପିକରରେ କଥା ହେବାକୁ ନେଇ ବିବାଦ ବଢିବା ପରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ହତ୍ୟା କରିଛନ୍ତି। ଘଟଣା ସାମ୍ନାକୁ ଆସିବା ପରେ ପୁଲିସ ୪୩ ବର୍ଷୀୟ ବେଙ୍ଗାଲୁରୁ ନିବାସୀ ଜଣେ ବ୍ୟକ୍ତିଙ୍କୁ ଗିରଫ କରିଛି।
ରିପୋର୍ଟ ଅନୁସାରେ ଅଭିଯୁକ୍ତ ଲୋକେଶ କୁମାର ଗହଲୋତ ରାଜସ୍ଥାନର ଏକ ଛୋଟ ଫଟୋ ଷ୍ଟୁଡିଓର ମାଲିକ ବୋଲି ଜଣାପଡିଛି। ସେ ନିଜ ସ୍ତ୍ରୀ ନମିତା ସାହୁଙ୍କ ସହ ଫୋନ୍ରେ ଲାଉଡ୍ସ୍ପିକରରେ କଥା ହେବାକୁ ନେଇ କଳହ ହୋଇଥିଲା । ମାମଲା ଧିରେ ଧିରେ ବଢିବା ପରେ କ୍ରୋଧରେ ଆସି ନମିତାଙ୍କ ଉପରେ ଆକ୍ରମଣ କରିବା ସହ ତଣ୍ଟି ଚିପି ହତ୍ୟା କରିଥିଲେ । ଏହାପରେ ଘଟଣାସ୍ଥଳରୁ ଫେରାର ହୋଇ ଯାଇଥିଲେ । ଘର ମାଲିକଙ୍କ ଅଭିଯୋଗ ପରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ପୁଲିସ ତନାଘନା ପରେ ଲୋକେଶଙ୍କୁ ଗିରଫ କରିଥିଲା । ଘଟଣାର ତଦନ୍ତ ଜାରି ରହିଛି। ଦୀର୍ଘ ଦିନରୁ ଦମ୍ପତିଙ୍କ ମଧ୍ୟରେ ବିବାଦ ଚାଲୁ ରହିଥିବା ବେଳେ ଉଭୟଙ୍କର ୫ ବର୍ଷ ପୂର୍ବେ ବିବାହ ହୋଇଥିଲା।
ମୋବାଇଲ୍ରେ ଲାଉଡସ୍ପିକରରେ କଥା ହେଲେନି ସ୍ତ୍ରୀ, ତଣ୍ଟି ଚିପି ଦେଲେ ସ୍ୱାମୀ
Popular Categories
Previous article
Next article