ବଳାତ୍କାର ମାମଲାରେ କୁଳଦୀପ ସିଙ୍ଗାର ଦୋଷୀ ହୋଇଥିଲେ ଆମେ ଆତ୍ମହତ୍ୟା କରିବୁ: ବିଧାୟକଙ୍କ ପତ୍ନୀ
ଲକ୍ଷ୍ମୌ: ଉତ୍ତର ପ୍ରଦେଶର ବିଜେପି ବିଧାୟକ କୁଳଦୀପ ସିଙ୍ଗାର ଜଣେ ମହିଳାଙ୍କୁ ବଳାତ୍କାର କରିଥିବା ଅଭିଯୋଗ ହୋଇଛି । କୁଳଦୀପଙ୍କ ଭାଇ ଓ ତାଙ୍କ ସମ୍ପର୍କୀୟ ଆକ୍ରମଣ କରିବାରୁ ପୀଡିତାଙ୍କର ପିତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏବେ ଏସ୍ଆଇଟି ଏହାର ତଦନ୍ତ କରୁଛି । ତେବେ ବିଧାୟକ ନିର୍ଦୋଷ ବୋଲି ତାଙ୍କ ପତ୍ନୀ କହିଛନ୍ତି । ସେ ଯଦି ଦୋଷୀ ବୋଲି ପ୍ରମାଣିତ ହେବେ ତେବେ ଆମେ ସମସ୍ତେ ଆତ୍ମହତ୍ୟା କରିଦେବୁ ବୋଲି କୁଳଦୀପ ସିଂ ସେଙ୍ଗାରଙ୍କ ପତ୍ନୀ ସଙ୍ଗୀତା ସେଙ୍ଗାର କହିଛନ୍ତି ।
ପୀଡିତା ଜଣଙ୍କ ତାଙ୍କୁ ଏକ ହୋଟେଲରେ ରଖି ଦୁଷ୍କର୍ମ କରାଯାଇଥିବା ଅଭିଯୋଗ କରାଯାଇଥିଲା । ପୀଡିତା ଜଣକ ତାଙ୍କୁ ଅତି ଅମାନୁଷିକ ଭାବେ ଏକ ହୋଟେଲେ ରଖି ଖାଇବାକୁ ପିଇବାକୁ ଦିଆ ନ ଯାଇ ପାଶବିକ ଅତ୍ୟାଚର କରାଯାଉଥିଲା ବୋଲି ଅଭିଯୋଗ କରିଛନ୍ତି । ଏହା ପରେ ସେ ନ୍ୟାୟ ଦାବିରେ ଆତ୍ମହତ୍ୟା ଉଦ୍ୟମ କରିଥିଲେ । ତାଙ୍କ ପିତାଙ୍କୁ ବିଧାୟକଙ୍କ ଭାଇ ଓ ତାଙ୍କ ସମର୍ଥକ ମାଡ ମାରିବା ପରେ ପୁଲିସ ହେପାଜତରେ ତାଙ୍କର ମୃତ୍ୟୁ ହୋଇଥିଲା । ଏବେ ଏହାର ତଦନ୍ତ ଚାଲିଛି । ମାତ୍ର ବିଧାୟକଙ୍କ ପତ୍ନୀ ବିଧାୟଙ୍କୁ ବଞ୍ଚାଇବା ପାଇଁ ବାହାରିଛନ୍ତି । ସେ ଉତ୍ତର ପ୍ରଦଶର ଡିଜିପିଙ୍କୁ ଭେଟିବା ପରେ ଏହି ମନ୍ତବ୍ୟ ଦେଇଛନ୍ତି । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଏହାର ଏସ୍ଆଇଟି ତଦନ୍ତ ନିର୍ଦେଶ ଦେଇଛନ୍ତି । ଏହି ଘଟଣାର ସିବିଆଇ ତଦନ୍ତ ପାଇଁ ସୁପ୍ରିମ କୋର୍ଟରେ ଏକ ମାମଲା ରୁଜୁ ହୋଇଛି ।