ଦେବଘର : ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମ୍ଏମ୍) ର୍ୟାଲିରୁ ଲୋକଙ୍କୁ ନେଇ ଫେରୁଥିବା ଏକ ବସ୍ ଶନିବାର ରାତିରେ ତାରଠ-ପାଲୋଜୋରି ମୁଖ୍ୟ ରାସ୍ତାରେ ଭାରସାମ୍ୟ ହରାଇ ଏକ ଗଛରେ ପିଟି ହୋଇଯିବାରୁ ୫ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୩ ମହିଳା, ଜଣେ ପୁରୁଷ ଓ ଜଣେ ଶିଶୁ ଅଛନ୍ତି। ଆହତଙ୍କୁ ସାରଠ ଏବଂ ଦେବଘର ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁସାରେ ଶନିବାର ଦୁର୍ଘଟଣାର ଶିକାର ଯାତ୍ରୀମାନେ ଦୁମକାରେ ଆୟୋଜିତ ୪୦ତମ ଝାଡ଼ଖଣ୍ଡ ଦିବସ ର୍ୟାଲିରେ ଯୋଗଦେଇ ଏକ ବସ୍ଯୋଗେ ଘରକୁ ଫେରୁଥିଲେ। ଘଟଣା ପରେ ଦେବଘର ସଦର ହସ୍ପିଟାଲରେ ଶ୍ରମ ଏବଂ ନିୟୋଜନ ମନ୍ତ୍ରୀ ରାଜ ପାଲିୱାଲ ପହଞ୍ଚି ଆହତ ଏବଂ ମୃତକଙ୍କ ପରିବାରବର୍ଗଙ୍କୁ ଭେଟିଥିଲେ। ସେ ମୃତକଙ୍କ ପରିବାରବର୍ଗ ଏବଂ ଆହତଙ୍କ ପାଇଁ ୫୦ ହଜାର ଲେଖାଏଁ ଟଙ୍କା ଘୋଷଣା କରିଛନ୍ତି। ସୂଚନା ଅନୁସାରେ ବସ୍ରେ ୪୦ରୁ ୪୫ ଯାତ୍ରୀ ଥିଲେ। ପୂର୍ବତନ ବାଚସ୍ପତି ଶଶଙ୍କା ଶେଖର ଭୋକ୍ତା ଏବଂ ପୂର୍ବତନ ମନ୍ତ୍ରୀ ଏବଂ ମଧୁପୁର ହାଜୀ ହୁସୈନ ଅନ୍ସାରୀ ରବିବାର ହସ୍ପିଟାଲରେ ପହଞ୍ଚି ଆହତଙ୍କ ଅବସ୍ଥା ବୁଝିଛନ୍ତି।
Popular Categories
Previous article
Next article