ଲଡୁଗାଁ : ଗତ ପ୍ରାୟ ଦୁଇ ତିନିଦିନ ଧରି ହେବ କୋକସରା ବ୍ଲକ କାଉଡୋଳା ଗାଁରେ ଭାଲୁ ବୁଲୁଥିବା ଦେଖାଯାଇଛି । ଏଣୁ କାଉଡୋଳା ସମେତ ସୁନାମାଲ ତଥା ଆଖପାଖ ଅଞ୍ଚଳରେ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । କାଉଡୋଳାର ବରକୋଳି ଏବଂ ଅନ୍ୟାନ୍ୟ ଫଳ ଗଛରୁ ଭାଲୁ ଫଳ ଖାଉଥିବା ଲୋକେ ଦେଖିଛନ୍ତି । ଭାଲୁଟି କେତେ ଉଇ ହୁଙ୍କା ଭାଙ୍ଗିଥିବା ବେଳେ ସିଉନି ଅଞ୍ଚଳ ଆଖୁ କିଆରୀ ଆଖୁ ଖାଉଥିବା ମଧ୍ୟ ଲୋକେ ଦେଖିଛନ୍ତି । ଏଣୁ ଭାଲୁ ଆତଙ୍କରେ ଲୋକେ ଭୋରରେ ଓ ସନ୍ଧ୍ୟା ପରେ ଘରୁ ବାହାରୁ ନାହାଁନ୍ତି । ଏପରିକି କାଉଡୋଳା ତଥା ଆଖପାଖ ଗାଁରୁ ଲଡୁଗାଁର ବିଭିନ୍ନ ଶିକ୍ଷାନଷ୍ଠାନକୁ ଛାତ୍ରଛାତ୍ରୀ ଯାଉନଥିବା ପରିଲକ୍ଷିତ ହେଉଛି । ଆଜି ସକାଳେ କାଉଡୋଳା ଗାଁର ଜନୈକ ବ୍ୟକ୍ତିଙ୍କୁ ଭାଲୁ ଆକ୍ରମଣ କରିଥିବା ପ୍ରଚାରିତ ହେବା ପରେ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ଅନ୍ୟପଟେ ଭାଲୁ ଆକ୍ରମଣରେ ଆହତ କୌଣସି ବ୍ୟକ୍ତି ଚିକିତ୍ସିତ ହେଉନଥିବା ଡାକ୍ତରଖାନା ସୂତ୍ରରୁ ପ୍ରକାଶ ପାଇଛି । ତେବେ ଏଭଳି ଜଟିଳ ପରିସ୍ଥିତିରେ ବନ ବିଭାଗ ଦ୍ଵାରା କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବାରୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
Popular Categories
Previous article
Next article