ନୂଆଦିଲ୍ଲୀ : ଆଜି ପ୍ରୟାଗରାଜରେ ତୃତୀୟ ଅମୃତ ସ୍ନାନ। ବିଭିନ୍ନ ଆଖଡା ତରଫରୁ ଅମୃତ ସ୍ନାନ ଚାଲିଛି। ଆଜି ତୃତୀୟ ଅମୃତ ସ୍ନାନ ଅବସରରେ କୋଟି କୋଟି ଶ୍ରଦ୍ଧାଳୁ ବୁଡ ପକାଉଛନ୍ତି। ପୂର୍ବରୁ ଦୁଇଟି ଅମୃତ ସ୍ନାନ ସରିଥିବାବେଳେ ଆଜି ତୃତୀୟ ସ୍ନାନ ହେଉଛି। ଆସନ୍ତା ଫେବୃଆରୀ ୧୨ ତାରିଖ ମାଘ ପୂର୍ଣ୍ଣିମାରେ ପରବର୍ତ୍ତୀ ଅମୃତ ସ୍ନାନ ଆସିବ। ଶ୍ରଦ୍ଧାଳୁଙ୍କ ସୁରକ୍ଷା ଦୃଷ୍ଟିରୁ ବ୍ୟାପକ ଆୟୋଜନ କରାଯାଇଛି। ପୁଲିସ ପକ୍ଷରୁ ଫ୍ଲାଗମାର୍ଚ୍ଚ କରାଯାଉଛି। ଦେଢ ମାସ ଅର୍ଥାତ୍ ଫେବୃଆରୀ ୨୬ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ମହାକୁମ୍ଭ ମେଳାରେ ଯୋଗଦେବା ଲାଗି ଦେଶ ବିଦେଶରୁ ବହୁ ସାଧୁ ସନ୍ଥ ଓ ଶ୍ରଦ୍ଧାଳୁଙ୍କର ସୁଅ ଛୁଟୁଛି। ଓ୍ବାନ୍ ଓ୍ବେ ରୁଟ୍ ବ୍ୟବସ୍ଥା କରାଯାଇଛି। ଫେବୃଆରୀ ୨ ରୁ ୪ ତାରିଖ ପର୍ଯ୍ୟନ୍ତ ପ୍ରୟାଗରାଜ ସହର ଓ ମେଳା କ୍ଷେତ୍ରରେ ଯାନବାହନ ପ୍ରବେଶ ବନ୍ଦ କରାଯାଇଛି। ଭିଭିଆଇପି ପାସ୍ ମଧ୍ୟ ରଦ୍ଦ କରାଯାଇଛି। ନୀରିକ୍ଷଣ ପାଇଁ ହେଲିକପ୍ଟର ମୁତୟନ କରାଯାଇଛି। ଫେବୃଆରୀ ୪ ତାରିଖ ପର୍ଯ୍ୟନ୍ତ ଶ୍ରଦ୍ଧାଳୁଙ୍କୁ ନିଜ ଗାଡି ସହର ବାହାରେ ପାର୍କିଂ କରିବାକୁ ପଡିବ। ଉତ୍ତର ପ୍ରଦେଶ ଏଡିଜି ପୁରା ସୁରକ୍ଷା ବ୍ୟବସ୍ଥା ତଦାରଖ କରିଛନ୍ତି।
Popular Categories
Previous article
Next article