ନୂଆଦିଲ୍ଲୀ : ମହାରାଷ୍ଟ୍ରର ଜଲଗାଓଁରେ ବୁଧବାର ୨୨ ଜାନୁଆରୀରେ ଲଖନଉରୁ ମୁମ୍ବାଇ ଯାଉଥିବା ପୁଷ୍ପକ ଏକ୍ସପ୍ରେସରେ ଯାତ୍ରୀଙ୍କ ସହ ବଡ ଅଘଟଣ ଘଟିଛି। ଟ୍ରେନ୍ରେ ନିଆଁ ଲାଗିବା ନେଇ ଗୁଜବ ପରେ ଟ୍ରେନ୍ର ଚେନ୍ ଟାଣିବା ସହ ଯାତ୍ରୀମାନେ ହଠାତ୍ ଟ୍ରେନ୍ରୁ ଓହ୍ଲାଇବାକୁ ଲାଗିଥିଲେ। ସେହି ସମୟରେ ନିକଟ ରେଳ ଧାରଣାରେ ଆସୁଥିବା ଆଉ ଏକ ଟ୍ରେନ୍ ଧକ୍କାରେ ପ୍ରାୟ ୧୩ ଜଣଙ୍କ ମୃତ୍ୟୁ ଘଟିଥିଲା। ଏହି ମାମଲାରେ ଏକ ନୂଆ ତଥ୍ୟ ଏବେ ସାମ୍ନାକୁ ଆସିଛି। ଅଘଟଣ ସମୟରେ ଟ୍ରେନ୍ରେ ଉପସ୍ଥିତ ଥିବା ଯାତ୍ରୀ କହିଛନ୍ତି, ଟ୍ରେନ୍ରେ ନିଆଁ ଲାଗିବା ନେଇ ଗୁଜବ ଜଣେ ଚା’ ବିକାଳୀ ଖେଳାଇଥିଲା। ଏହାପରେ ଚା’ ବିକାଳୀ ହିଁ ନିଜେ ଟ୍ରେନର ଚେନ୍ ଟାଣି ଦେଇଥିଲା। ଟ୍ରେନ୍ର ଗତି ଧିମା ହେବା ପରେ ଯାତ୍ରୀମାନେ ଟ୍ରେନ୍ରୁ ଓହ୍ଲାଇବାକୁ ଆରମ୍ଭ କରିଥିଲେ। କିଛି ଲୋକେ ଧାରଣାକୁ ହିଁ ଡେଇଁ ପଡିଥିଲେ। ସେହି ସମୟରେ ଯାଉଥିବା ଅନ୍ୟ ଏକ ଟ୍ରେନ୍ ଯାତ୍ରୀମାନଙ୍କୁ ଧକ୍କା ଦେଇଥିଲା।
୫୦ ବର୍ଷ ପରେ ମୌନୀ ଅମାବାସ୍ୟାରେ ଦୁର୍ଲ୍ଲଭ ଯୋଗ, ଏହି ରାଶି ହେବେ ଭାଗ୍ୟଶାଳୀ, ହେବ ଧନବର୍ଷା, ବଦଳିଯିବ ଭାଗ୍ୟ..
