ନୂଆଦିଲ୍ଲୀ : ଦିଲ୍ଲୀ ନିର୍ବାଚନ ପାଇଁ ସେଠାକାର ମାହୋଲ ସରଗରମ ରହିଛି। ଶନିବାର ଆମ୍ ଆଦମୀ ପାର୍ଟି ତରଫରୁ କରାଯାଇଥିବା ଘୋଷଣା ଅନୁଯାୟୀ ଯଦି ଦଳ ପୁନର୍ବାର କ୍ଷମତାକୁ ଫେରେ ତେବେ ଦିଲ୍ଲୀର ଭଡ଼ା ଘରେ ରହୁଥିବା ଲୋକଙ୍କୁ ମାଗଣା ପାଣି ଓ ବିଦ୍ୟୁତ୍ ଯୋଗାଇ ଦିଆଯିବ।
ଆପ୍ ମୁଖ୍ୟ ଅରବିନ୍ଦ କେଜରିୱାଲ ଏକ ସାମ୍ବାଦିକ ସମ୍ମିଳନୀ କରି କହିଥିଲେ ସେ ଯେଉଁ ସବୁ ସ୍ଥାନକୁ ନିର୍ବାଚନ ପ୍ରଚାର ପାଇଁ ଯାଉଛନ୍ତି ସେହି ଅଞ୍ଚଳରେ ଭଡ଼ା ଘରେ ରହୁଥିବା ବ୍ୟକ୍ତି ତାଙ୍କୁ ଭେଟି ସରକାରଙ୍କ ବିକାଶମୂଳକ କାର୍ଯ୍ୟର ପ୍ରଶଂସା କରୁଛନ୍ତି। ତେବେ ସେମାନେ ସରକାରଙ୍କ ମାଗଣା ପାଣି ଓ ବିଦ୍ୟୁତ୍ ଯୋଜନାରୁ ବଞ୍ଚିତ ହେଉଛନ୍ତି। ଏହାକୁ ଦୃଷ୍ଟିରେ ରଖି ଆଗାମୀ ନିର୍ବାଚନରେ ଯଦି ଆପ୍ ବିଜୟୀ ହୋଇ ସରକାର ଗଢ଼େ ତେବେ ଭଡ଼ା ଘରେ ରହୁଥିବା ଲୋକଙ୍କୁ ମାଗଣାରେ ପାଣି ଓ ବିଦ୍ୟୁତ୍ ଯୋଗାଇ ଦିଆଯିବ। ସୂଚନାଥାଉ କି ଆପ୍ ପୁନର୍ବାର ସରକାର ଗଢ଼ିଲେ ଛାତ୍ରଛାତ୍ରୀଙ୍କ ନିମନ୍ତେ ମାଗଣା ବସ୍ ଯାତ୍ରା ଓ ମେଟ୍ରୋରେ ଯାତ୍ରା ନିମନ୍ତେ ଟିକଟ ଦରରେ ୫୦% ରିଆତି ପ୍ରଦାନ କରାଯିବ ବୋଲି ଶୁକ୍ରବାର କେଜରିୱାଲ ଘୋଷଣା କରିଥିଲେ । ପୂର୍ବରୁ ଆପ୍ ତରଫରୁ ‘ମହିଳା ସମ୍ମାନ ଯୋଜନା’ ଲାଗୁ କରିବାକୁ ପ୍ରତିଶ୍ରୁତି ଦେଇଛି। ଦିଲ୍ଲୀରେ ଆସନ୍ତା ଫେବୃଆରୀ ୫ରେ ଭୋଟଗ୍ରହଣ ହେବାକୁ ଥିବା ବେଳେ ଫେବୃଆରୀ ୮ରେ ଭୋଟଗଣତି ହେବ।
ଭଡ଼ାରେ ରହୁଥିବା ଲୋକଙ୍କୁ ମାଗଣା ପାଣି, ବିଦ୍ୟୁତ୍
Popular Categories
Previous article
Next article