ଘରଭଡା ବୁଝିବା ବାହାନାରେ ସୁନା ଚେନ୍ ଝାମ୍ପିନେବା ଘଟଣା : ସିସି ଟିଭିରେ କଏଦ ହେଲା ଦୃଶ୍ୟ

ଢେଙ୍କାନାଳ: ଢେଙ୍କାନାଳ ଟାଉନ ଥାନା ଅନ୍ତର୍ଗତ ମହିଷାପାଟ ବାଜି ରାଉତ ଆଇଟିଆଇ ଗଳି ନିକଟରେ ଅଘଟଣ।  ଘର ଭଡା ବୁଝିବା ବାହାନାରେ ଆସି ଜଣେ ମହିଳାଙ୍କ ନିକଟରେ ସନୁା ଚେନ୍ ଲୁଟ୍ ହୋଇଥିବା ଅଭିଯୋଗ ହୋଇଛି। ଲୁଟର ଶିକାର ହୋଇଥିବା ମହିଳା ଜଣକ ବିଦ୍ୟୁତ୍ଲତା ରଥ ବୋଲି ଜଣାପଡିଛି।ଅଭିଯୋଗ ମୁତାବକ ଦୁଇଜଣ ଲୁଟେରା ଏକ ମୋଟର ସାଇକେଲରେ ଆସି ବିଦ୍ୟୁତଲତାଙ୍କୁ ଘର ଭଡ଼ା ବାବଦରେ ପଚାରିଥିଲେ । ପରେ ବିଦ୍ୟୁତଲତା ମନା କରିବାରୁ ଲୁଟେରାମାନେ ତାଙ୍କର ମୋବାଇଲ ନମ୍ବର ମାଗିବା ସହ ପିଇବା ପାଇଁ ପାଣି ମାଗିଥିଲେ । ଏଥିରେ ମହିଳାଙ୍କର ସନ୍ଦେହ ହେବାରୁ ଗେଟ୍ ଦେଇ ଚାଲି ଯିବା ପାଇଁ ଉଦ୍ୟମ କରିଥିଲେ । ଠିକ ସେତିକି ବେଳେ ଜଣେ ଲୁଟେରା ମହିଳାଙ୍କ ଗେଟ୍ ଭିତରକୁ ଧସେଇ ପଶିଥିଲେ । ଏବଂ ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଇ ଚମ୍ପଟ ମାରିଥିଲେ। ଲୁଟ୍ ବେଳର ସମ୍ପୂର୍ଣ୍ଣ ଦୃଶ୍ୟ ସିସି ଟିଭିରେ କଏଦ ହୋଇଛି।