ଆଠଗଡ: ପବିତ୍ର ମକର ସଂକ୍ରାନ୍ତି ଅବସରରେ ଆଠଗଡର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଗଡଜାତ ବାର୍ଷିକ ପତ୍ରିକା ଉନ୍ମୋଚିତ ହୋଇଯାଇଛି। ଚାନ୍ଦବାଲି ଛକ ନିକଟସ୍ଥ ହନୁମାନ ମନ୍ଦିର ପରିସରରେ ଗଡଜାତ ପରିକ୍ରମାର ସଭାପତି ପ୍ରାଣକୃଷ୍ଣ ଦାଶଙ୍କ ପୌରୋହିତ୍ୟରେ ଆୟୋଜିତ ଏହି ଲୋକାର୍ପଣ ଉତ୍ସବରେ ମୁଖ୍ୟଅତିଥି ଭାବେ ଲୋକସେବକ ମଣ୍ଡଳର ଆଜୀବନ ସଦସ୍ୟ ନିରଞ୍ଜନ ରଥ, ମୁଖ୍ୟବକ୍ତା ଭାବେ ବିଶିଷ୍ଟ ସାହିତ୍ୟିକ ଡ଼.ନାରାୟଣ ପଣ୍ଡା, ସମ୍ମାନିତ ଅତିଥିଭାବେ ସାହିତ୍ୟିକ ତଥା ସମାଜସେବୀ ବିଭୁତି ଭୂଷଣ ମିଶ୍ର, ରାଜ୍ୟ ବିଜେପି କାର୍ଯ୍ୟକାରିଣୀ ସଭ୍ୟ ବ୍ରଜେନ୍ଦ୍ର ରାୟ ଓ ସମାଜସେବୀ ଭାଗିରଥି କର ପ୍ରମୁଖ ଯୋଗଦେଇ ଉଦବୋଧନ ଦେଇଥିଲେ। ଗଡଜାତ ପରିକ୍ରମା ଅନୁଷ୍ଠାନ ଦୀର୍ଘ ବର୍ଷ ଧରି ଆଠଗଡର କଳା, ସାହିତ୍ୟ, ସଂସ୍କୃତି, ଐତିହ୍ୟ ଓ ପରମ୍ପରାକୁ ଉଜ୍ଜୀବିତ ରଖିବା ଲାଗି ଯେଉଁପରି ନିରବଛିନ୍ନ ଉଦ୍ୟମ କରିଆସୁଛି ବାସ୍ତବିକ ତାହା ପ୍ରେରଣାଦାୟକ ଓ ପ୍ରଶଂସନୀୟ ବୋଲି ଅତିଥିମାନେ ମତବ୍ୟକ୍ତ କରିଥିଲେ। ପୂର୍ବର ଆଠଗଡ ଓ ବର୍ତ୍ତମାନର ଆଠଗଡ ମଧ୍ୟରେ ଅନେକ ଫରକ ପରିଲକ୍ଷିତ ହେଉଛି ଏବଂ ଆଠଗଡର ବୁଦ୍ଧିଜୀବୀ ଓ ସଚେତନ ନାଗରିକମାନେ ଏବେ ନିରବ କାହିଁକି ବୋଲି ଅତିଥିଗଣ ପ୍ରଶ୍ନ କରିଥିଲେ । ଗଡଜାତ ପରିକ୍ରମା ସମ୍ପାଦକ ଲଲାଟେନ୍ଦୁ ସେନାପତି କାର୍ଯ୍ୟକ୍ରମ ସଂଯୋଜନା କରିଥିବାବେଳେ କବିୟତ୍ରୀ ତଥା ଶିକ୍ଷାବିତ ପୁଲିନ ମିଶ୍ର ଅତିଥି ପରିଚୟ ପ୍ରଦାନ କରିଥିଲେ। ଏହି ଅବସରରେ ଗଡଜାତ ପରିକ୍ରମାର ବାର୍ଷିକ ପତ୍ରିକା ଅତିଥିମାନଙ୍କ ଦ୍ବାରା ଉନ୍ମୋଚିତ ହୋଇଥିଲା।
Popular Categories
Previous article
Next article