ପ୍ରାୟତଃ ଆମ ସମସ୍ତଙ୍କ ଘରେ ଗୋଲମରିଚ ଅତି ସହଜରେ ଉପଲବ୍ଧ। ସ୍ବାସ୍ଥ୍ୟ ପ୍ରତି ଏହା ଖୁବ୍ ଉପକାରୀ ସାବ୍ୟସ୍ତ ହୋଇଥାଏ। ତେବେ ଆମ ମଧ୍ୟରୁ ଅନେକ ଏବିଷୟରେ ଅଜଣା ଯେ, ଏହାର ଏପରି ଅନେକ ଉପଯୋଗ ରହିଛି ଯାହାଦ୍ବାରା ବହୁ ସମସ୍ୟାରୁ ମୁକ୍ତି ମିଳିଥାଏ। ଚାଲନ୍ତୁ ଜାଣିବା ଗୋଲମରିଚ ବ୍ୟବହାରରେ କିପରି ଆମେ ବିଭିନ୍ନ ସ୍ବାସ୍ଥ୍ୟଗତ ସମସ୍ୟାରୁ ମୁକ୍ତି ପାଇ ପାରିବା –
– କାଶ ହେଉଥିଲେ ଗୋଲ ମରିଚ ଚୂର୍ଣ୍ଣ ସହ ଏକ ଚାମଚ ମହୁ , ଘିଅ ,ସାମାନ୍ୟ ମିଶ୍ରି ମିଶାଇ ସେବନ କରିବା ଦ୍ୱାରା ଉପଶମ ମିଳିଥାଏ।
– ଚର୍ମ ଜନିତ ସମସ୍ୟା ଦେଖାଦେଉଥିଲେ ଗୋଲ ମରିଚ ଗୁଣ୍ଡରେ ଗାଈ ଘିଅ କିମ୍ବା ନଡ଼ିଆ ତେଲକୁ ମିଶାଇ ଦେହରେ ଲେପନ କଲେ ସମସ୍ୟା ଦୂର ହୋଇଥାଏ।
– ଦାନ୍ତରେ ସମସ୍ୟା ଦେଖାଦେଉଥିଲେ ଗୋଲ ମରିଚରୁ ପ୍ରସ୍ତୁତ କାଢା ସେବନ କଲେ ଦାନ୍ତ ବ୍ୟଥା କମ୍ ହୋଇଥାଏ।
– କୌଣସି କାରଣରୁ ଭୋକ ଲାଗୁ ନଥିଲେ ଗୋଲ ମରିଚ ଚୂର୍ଣ୍ଣକୁ ପାଣିରେ ଗୋଳାଇ ପିଇଲେ ଭୋକ ବଢେ।
