ଭବାନୀପାଟଣା: ସହର ଉପକଣ୍ଠ ରିଲାଏନ୍ସ ପେଟ୍ରୋଲ ପମ୍ପ ନିକଟରେ ଆଜି ସକାଳେ ଏକ ପିକଅପ ଧକ୍କାରେ ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି। ମୃତକ କସାକେନ୍ଦୁ ଛକର ରେହେମତ ଉଲ୍ଲା ଖାନ ଏବଂ ଦୁଇ ଗୁରୁତର ଅଶୋକ କୁମାର ମହାରଣା ଏବଂ ମୁରଲୀଧର ହଂସ ବୋଲି ଜଣାପଡ଼ିଛି। ଦୁଇ ଗୁରୁତରଙ୍କୁ ଏସଆରଏମ ଭେଷଜ ମହାବିଦ୍ୟାଳୟ ଅନ୍ତର୍ଗତ ଜିଲ୍ଲା ମୁଖ୍ୟ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ବୁର୍ଲା ଭେଷଜ ମହାବିଦ୍ୟାଳୟକୁ ସ୍ଥାନାନ୍ତର କରାଯାଇଛି।
ମୃତାହତ ତିନିଜଣ ରିଲାଏନ୍ସ ପେଟ୍ରୋଲ ଟ୍ୟାଙ୍କ ନିକଟରେ ରାସ୍ତାକଡ଼ରେ କଥା ହେଉଥିବା ବେଳେ ପିକଅପ୍ ଡ୍ରାଇଭର ଦୁର୍ଘଟଣା ଘଟାଇଥିବା ଦୃଶ୍ୟ ଏକ ସିସିଟିଭିରେ କଏଦ ହେଇଛି। ଦୁର୍ଘଟଣା ଘଟାଇ ସେହି ନୀଳ ରଙ୍ଗର ପିକଅପଟି ଜୁନାଗଡ଼ ପଟେ ଚାଲି ଯାଇଛି।
ସୂଚନାଯୋଗ୍ୟ ଯେ କିଛିଦିନ ତଳେ ମେଦିନୀପୁର ଛକରେ ଏକ ଅଜଣା ଗାଡି ଧକ୍କାରେ ଜଣଙ୍କ ମୃତ୍ୟୁ ହୋଇଥିଲା। ଦୁର୍ଘଟଣା ଘଟାଇଥିବା ଚାଳକ କିମ୍ବା ଗାଡି ଏଯାଏଁ ଜବତ ହୋଇନାହିଁ। ପୁଲିସ ଘଟଣାର ତଦନ୍ତ ଜାରି ରଖିଛି ।
ଆଗାମୀ ୧୨ ଘଣ୍ଟାରେ ଅବପାତ! ଏସବୁ ଜିଲାରେ କୋହଲା ପାଗ ସହ ହେବ ବର୍ଷା..
Comments are closed.