ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଅତାବିରା ବ୍ଲକ ଅଧିନରେ ରହିଥିବା ୧୩୭ଟି ବୁଥରେ ଅକ୍ଟୋବର ୨୯ରୁ ନଭେମ୍ବର ୨୮ତାରିଖ ପର୍ଯ୍ୟନ୍ତ ଜାରି ରହିଥିବା ଭୋଟର ତାଲିକା ସଂଶୋଧନ କାର୍ଯ୍ୟକ୍ରମ ଚାଲୁଅଛି। ଅଧିକାରୀ ମାନଙ୍କ ଦ୍ଵାରା ଚାଲିଥିବା ଭୋଟର ତାଲିକା ସଂଶୋଧନ କାର୍ଯ୍ୟକ୍ରମ ମଧ୍ୟରୁ ଆଜି ସ୍ବତନ୍ତ୍ର ଅଭିଯାନ ଦିବସ ଅବସରରେ ଗୋଡଭଗା କ୍ୟାମ୍ପ ଓ ପ୍ରାଥମିକ ସ୍କୁଲ ବୁଥ ନଂ – ୩୨/୩୩, ଅତାବିରା ବାଳିକା ଉଚ୍ଚ ବିଦ୍ୟାଳୟର ବୁଥ ନଂ-୭୧/୭୨ ଓ ଲାଦରପାଲି ସେବା ଶ୍ରମ ବୁଥ ନଂ -୯୫/୯୬କୁ ଉତ୍ତରାଞ୍ଚଳ କମିଶନର ସଚିନ ରାମଚନ୍ଦ୍ର ଯାଦବ ପରିଦର୍ଶନରେ ଆସି ଦାୟିତ୍ୱ ନିର୍ବାହ କରୁଥିବା ବୁଥ ଅଧିକାରୀ ମାନଙ୍କ ଭୋଟର ତାଲିକା ସଂଶୋଧନ ସମ୍ବନ୍ଧୀୟ ପ୍ରଶ୍ନ ପଚାରି ମିଳିଥିବା ଉତ୍ତରରେ ଖୁସି ବ୍ୟକ୍ତ କରିଥିଲେ। ଏହା ସହ ସରକାରୀ ବାଳିକା ଉଚ୍ଚ ବିଦ୍ୟାଳୟର ନବମ, ଦଶମ ଶ୍ରେଣୀ ଛାତ୍ରୀ ମାନଙ୍କ ଭବିଷ୍ୟତ କୁ ନେଇ କଳା ଓ ବିଜ୍ଞାନ ସମ୍ବନ୍ଧୀୟ ବହୁ ଗୁଡିଏ ଆଲୋଚନା କରି ପିଲାଙ୍କୁ ଉତ୍ସାହିତ କରିଥିଲେ। କାର୍ଯ୍ୟକ୍ରମରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ସୂର୍ଯ୍ୟ କୁମାର ନାୟକ, ଅତିରିକ୍ତ ଜିଲ୍ଲାପାଳ ମଧୁଛନ୍ଦା ସାହୁ, ନିର୍ବାଚନ ଡେପୁଟି ଜିଲ୍ଲାପାଳ ମୁକ୍ତେଶ୍ଵର ପାଣିଗ୍ରାହୀ ଓ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ମହମ୍ମଦ ଅକବର ପ୍ରମୁଖ ଉପସ୍ଥିତ ରହିଥିଲେ।
Comments are closed.