ଡେସ୍କ: ଗାଜାର ବେସାମରିକ ପ୍ରତିରକ୍ଷା ଏଜେନ୍ସି ଅନୁଯାୟୀ, ଉତ୍ତର ଗାଜା ସହର ବେଟ ଲାହିଆର ଏକ ଆବାସିକ ବ୍ଲକ୍ ଉପରେ ଇସ୍ରାଏଲର ବିମାନ ଆକ୍ରମଣରେ ପାଖାପାଖି ୧୦୦ ଲୋକ ପ୍ରାଣ ହରାଇଛନ୍ତି। ୨୦୦ ଲୋକ ବସବାସ କରୁଥିବା ଏକ ପାଞ୍ଚ ମହଲା କୋଠାରେ ଏହି ଆକ୍ରମଣ ହୋଇଥିଲା, ଯେଉଁଥିରେ ୯୩ ଜଣଙ୍କ ମୃତ୍ୟୁ ଘଟିଥିଲା ଏବଂ ୪୦ ଜଣ ନିଖୋଜ ଥିବା ବେଳେ ଅନେକ ଆହତ ହୋଇଥିଲେ।
ପାଲେଷ୍ଟାଇନ ଉଦ୍ଧାରକାରୀ ଏବଂ ପରିବାର ସଦସ୍ୟମାନେ ଜବାଲିଆ ଅଞ୍ଚଳ ନିକଟରେ ଅବସ୍ଥିତ ଏହି ଭଙ୍ଗା କୋଠାର ଭଗ୍ନାବଶେଷକୁ ଅନୁସନ୍ଧାନ କରୁଛନ୍ତି। ଇସ୍ରାଏଲ ସଂସଦ ପାଲେଷ୍ଟାଇନ୍ ଅଞ୍ଚଳରେ କାର୍ଯ୍ୟ କରୁଥିବା ଜାତିସଂଘର ଏକ ପ୍ରମୁଖ ସହାୟତା ଏଜେନ୍ସି ଉପରେ ପ୍ରତିବନ୍ଧକ ଲଗାଇବା ପାଇଁ ଭୋଟ୍ ଦେବାର କିଛି ଘଣ୍ଟା ପରେ ଏହି ଘଟଣା ଘଟିଛି।
ଅନ୍ୟପକ୍ଷରେ ଲେବାନନରେ ଇରାନ ସମର୍ଥିତ ଆତଙ୍କବାଦୀ ସଂଗଠନ ହିଜବୁଲ୍ଲାର ଶକ୍ତିଶାଳୀ ମୁଖ୍ୟ ହାସନ ନସରଲ୍ଲା ଏବଂ ତାଙ୍କ ଉତ୍ତରାଧିକାରୀଙ୍କ ମୃତ୍ୟୁ ପରେ ଜଣେ ନୂଆ ନେତା ଶେଖ୍ ନାଇମ୍ କାସେମଙ୍କୁ ମନୋନୀତ କରିଛି। ବେଟ ଲାହିଆ ଏୟାର ଷ୍ଟ୍ରାଇକରେ ସାଧାରଣ ନାଗରିକଙ୍କ ମୃତ୍ୟୁ ଖବରକୁ ଇସ୍ରାଏଲ ସେନା ସ୍ୱୀକାର କରି କହିଛି ଯେ ଘଟଣାର ଅନୁସନ୍ଧାନ ଚାଲିଛି। ଏହି ସଦ୍ୟତମ ଦୁଃଖଦ ଘଟଣା ଗାଜା ଉପତ୍ୟକାରେ ଚାଲିଥିବା ସଂଘର୍ଷ ଏବଂ ମାନବିକ ସଙ୍କଟକୁ ଦର୍ଶାଉଛି, ଯେଉଁଠାରେ ଗତ ଏକ ବର୍ଷ ମଧ୍ୟରେ ୪୩ ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି ବୋଲି ସ୍ଥାନୀୟ ଅଧିକାରୀମାନେ କହିଛନ୍ତି।
Comments are closed.