ପ୍ରତ୍ୟେକ ବର୍ଷ କାର୍ତ୍ତିକ ମାସ କୃଷ୍ଣ ପକ୍ଷର ତ୍ରୟୋଦଶୀ ତିଥିରେ ଧନତେରସ ପର୍ବ ପାଳନ କରାଯାଏ । ଚଳିତ ବର୍ଷ ଧନତେରସ ୨୯ ଅକ୍ଟୋବରରେ ପାଳନ କରାଯିବ । ଏହି ଦିନ ମା’ଲକ୍ଷ୍ମୀ, ଭଗବାନ ଧନ୍ୱନ୍ତରୀ ଓ କୁବେର ଦେବତାଙ୍କ ପୂଜା କରିବାର ନିୟମ ରହିଛି । ଧାର୍ମିକ ମାନ୍ୟତା ଅନୁଯାୟୀ, ଏହି ଦିନ ସମୁଦ୍ର ମନ୍ଥନରୁ ଅମୃତ କଳସ ଧରି ଭଗବାନ ଧନ୍ୱନ୍ତରୀ ଉତ୍ପନ୍ନ ହୋଇଥିଲେ । ଧନତେରସ ଅବସରରେ ରାଶି ଅନୁଯାୟୀ, କିଛି ଜିନିଷ କିଣିବା ଅତ୍ୟନ୍ତ ଶୁଭଙ୍କର ବୋଲି କୁହାଯାଇଛି ।
ଜ୍ୟୋତିଷ ଶାସ୍ତ୍ର ଅନୁସାରେ ଧନତେରସରେ ରାଶି ଅନୁସାରେ କିଣିବା କରିବା ଶୁଭଙ୍କର ବୋଲି ମାନ୍ୟତା ରହିଛି । ଜାଣନ୍ତୁ କ’ଣ କରିବେ..
ମେଷ – ମେଷ ରାଶି ବ୍ୟକ୍ତି ବିଶେଷ ରୁପାର ବାସନ କିଣିବା ଶୁଭଙ୍କର ।
ବୃଷ – ଏହି ରାଶିର ଲୋକେ ରୁପାର ଟଙ୍କା ସହ ପୋଷାକ କିଣି ପାରିବେ ।
ମିଥୁନ – ଏହି ରାଶିର ବ୍ୟକ୍ତି ବିଶେଷ ପିତ୍ତଳ ବାସନ କିଣିବା ଶୁଭଙ୍କର ।
କର୍କଟ – ଏହି ରାଶିର ବ୍ୟକ୍ତି ବିଶେଷ ଧଳା ଜିନିଷ କିମ୍ବା ରୁପା ଟଙ୍କା କିଣି ପାରିବେ ।
ଦୀପାବଳିରେ ଦୁର୍ଲ୍ଲଭ ରାଜଯୋଗ; ଏହି ରାଶିଙ୍କୁ ମିଳିବ ମା’ଲକ୍ଷ୍ମୀଙ୍କ ବିଶେଷ କୃପା, ହେବେ ଭାଗ୍ୟଶାଳୀ..
ସିଂହ – ଏହି ରାଶିର ବ୍ୟକ୍ତି ବିଶେଷ ନୂଆ ଯାନ କିଣି ପାରିବେ । ଅଳଙ୍କାର ମଧ୍ୟ କିଣି ପାରିବେ ।
କନ୍ୟା – ଏହି ରାଶିର ଲୋକେ ନୂଆ ଘର, ଆଭୂଷଣ, ଭୂମି କିଣି ପାରିବେ ।
ତୁଳା – ଏହି ରାଶିର ବ୍ୟକ୍ତି ବିଶେଷ ଝାଡୁ କିଣିବା ଶୁଭଙ୍କର ।
ବିଛା – ଏହି ରାଶିର ବ୍ୟକ୍ତି ବିଶେଷ ଧନିଆ କିଣିବା ଶୁଭଙ୍କର । ଏହାଦ୍ୱାରା ଘରେ ସୁଖସମୃଦ୍ଧି ପ୍ରବେଶ ସହ ମା’ଲକ୍ଷ୍ମୀଙ୍କ ବିଶେଷ କୃପା ପ୍ରାପ୍ତି ହେବ ।
ଦେଖନ୍ତୁ ଭିଡିଓ; ମୃତ୍ୟୁକୁ ଦେଲେ ଚ୍ୟାଲେଞ୍ଜ, ଚଳନ୍ତା ଟ୍ରେନ୍ରେ ଜୀବନକୁ ବାଜି ଲଗାଇ ବିପଜ୍ଜନକ ଷ୍ଟଣ୍ଟ କଲେ ଯୁବକ..
ଧନୁ – ଏହି ରାଶିର ବ୍ୟକ୍ତି ବିଶେଷ ଆର୍ଥିକ ସ୍ଥିତି ମଜଭୁତ ପାଇଁ ପ୍ରଭୁ ଗଣେଶ ଓ ମା’ଲକ୍ଷ୍ମୀଙ୍କ ପ୍ରତିମା କିଣି ପାରିବେ ।
ମକର – ମା’ଲକ୍ଷ୍ମୀଙ୍କୁ ପ୍ରସନ୍ନ କରିବା ପାଇଁ ମକର ରାଶି ବ୍ୟକ୍ତି ବିଶେଷ ଧନତେରସରେ ହଳଦିଆ ପୋଷାକ କିମ୍ବା ହଳଦିଆ ଜିନିଷ କିଣିପାରିବେ ।
କୁମ୍ଭ- ଏହି ରାଶିର ବ୍ୟକ୍ତି ବିଶେଷ ପ୍ରଭୁ ଗଣେଶ, ମା’ଲକ୍ଷ୍ମୀଙ୍କ ରୁପାର ଟଙ୍କା କିଣିବା ଶୁଭଙ୍କର ।
ମୀନ – ଏହି ରାଶିର ବ୍ୟକ୍ତି ବିଶେଷ ସୁନା କିମ୍ବା ପିତ୍ତଳ କିଣି ପାରିବେ ।
